கங்கை ஆற்றில் வெள்ளத்தில் அடித்துச் செல்லப்பட்ட குரங்கு ஒன்று ஆற்றின் நடுவில் இருந்த ஆஞ்சநேயர் சிலையை பிடித்து தப்பித்த சம்பவம் பரவசத்தை ஏற்படுத்தியுள்ளது.
உத்தரபிரதேச மாநிலம் காசியாபாத்தில் கங்கை நதி உள்ளது. இந்த நதிக்கரையில் குரங்கு தாவி தாவி விளையாடிக் கொண்டிருந்தபோது எதிர்பாராமல் தண்ணீரில் தவறி விழுந்தது. ஆற்றில் அடித்துச் செல்லப்பட்ட குரங்கு ஆற்றின் நடுவில் ஒரு அனுமான் சிலை வைக்கப்பட்டிருந்தது. அதிர்ஷ்டவசமாக அந்த சிலையை கட்டிப்பிடித்தவாறு ஏறி உயிர்தப்பியது.
இதையடுத்து தகவல் அறிந்து மீட்புக் குழுவினர் ஒரு சிறிய ரக படகில் சென்று குரங்கை மீட்டனர். அதுவரை அனுமான் சிலையை பிடித்துக் கொண்டு உயிரை கையில் பிடித்துக் கொண்டிருந்தது.இதை அப்பகுதி மக்கள் வீடியோ எடுத்து வைரலாக்கினர். ஆற்றில் அடித்துச் செல்லப்பட்ட குரங்கு அனுமன் ’ஜி’ காப்பாற்றிவிட்டார் என்று குறிப்பிட்டு பதிவிட்டு வருகின்றனர்.
மேலும் அங்கிருந்த பக்தர்கள் அனைத்தும் அனுமன் செயல் என்றும் அவரால் காப்பாற்றப்பட்டுள்ளது. எனவும் கூறி பக்தி பரவசம்அடைந்தனர். பின்னர் குரங்கை மருத்துவமனைக்கு கொண்டு சென்று முதலுதவி சிகிச்சை அளித்த பின்னர் உணவு கொடுத்து வழியனுப்பிவைத்தனர்.
