பான் கார்டு தற்போது அத்தியாவசிய ஆவணங்களில் ஒன்றாக மாறிவிட்டது.. தற்போது பான் கார்டின் தேவை அனைத்து இடங்களிலும் அதிகரித்து வருகிறது.. வரி செலுத்துவது, வங்கி பரிவர்த்தனை போன்ற பயன்பாடுகளுக்கு பான் கார்டு அவசியமான ஒன்று… வங்கிக் கணக்கைச் செயல்படுத்தும் போதும், டெபிட் அல்லது கிரெடிட் கார்டுக்கு விண்ணப்பிக்கும் போதும், பான் கார்டு எண் தேவைப்படும். ஒருவரின் பான் கார்டு (PAN Card) ஆக்டிவ் ஆக இல்லாத நிலையில், அவர் அதை மீண்டும் ஆக்டிவேட் என்றால், வருமான வரித் துறையால் ரூ.10,000 வரை அபராதம் விதிக்கப்படலாம்.
எனவே, உங்கள் பான் கார்டு செயலில் உள்ளதா இல்லையா என்பதை வீட்டிலிருந்தே எளிதாகச் சரிபார்க்கலாம். நீங்கள் முதலில் வருமான வரித் துறையின் மின்னணு-தாக்கல் e-Filing இணையதளத்திற்கு செல்ல வேண்டும். அங்கு, கீழே உள்ள “Quick Links” அல்லது “Instant e-Services” பிரிவில் “Verify Your PAN” என்ற ஆப்ஷன் இருக்கும். அங்கே நீங்கள் உங்கள் பான் எண், பெயர், பிறந்த தேதி மற்றும் பான் மற்றும் ஆதாருடன் இணைக்கப்பட்ட மொபைல் எண் ஆகியவற்றை உள்ளிட வேண்டும். இதற்குப் பிறகு, உங்களுக்கு ஒரு OTP கிடைக்கும். அதை உள்ளிட்ட பிறகு, உங்கள் பான் ஆக்டிவ் ஆக உள்ளதா இல்லையா என்பதை நீங்கள் பார்க்க முடியும்.
உங்கள் பான் அட்டை ஆக்டிவ் ஆக இல்லை என்றால், முதலில் அது உங்கள் ஆதாருடன் இணைக்கப்பட்டுள்ளதா இல்லையா என்பதைச் சரிபார்க்கவும். அது இணைக்கப்படவில்லை என்றால், உடனடியாக அதை இணைக்கவும். சில நேரங்களில் ஆதாருடன் இணைக்கப்பட்டிருந்தாலும், ஆக்டிவ் ஆக இல்லாமல் இருக்கலாம். எனவே ஒரு முறை பான் அட்டை நிலையைச் சரிபார்க்கவும்.
