சென்னை புதுப்பேட்டையில் சேப்பாக்கம் பகுதி 63வது வட்ட திமுக சார்பில் திமுக இளைஞரணி செயலாளரும் சட்டமன்ற உறுப்பினருமான உதயநிதி ஸ்டாலின் பிறந்த நாள் நிகழ்ச்சி நலத்திட்ட உதவிகள் வழங்கும் விழா நேற்று நடைபெற்றது. இதில் கலந்துகொண்டு தமிழக மின்சாரத்துறை அமைச்சர் செந்தில் பாலாஜி மக்களுக்கு நலத்திட்ட உதவிகளை வழங்கினார்.
நிகழ்ச்சியில் பேசிய தமிழக மின்சாரத்துறை அமைச்சர் செந்தில் பாலாஜி திமுக தேர்தல் வாக்குறுதலில், சுமார் 80 சதவீதம் வாக்குறுதிகளை திமுக அரசு நிறைவேற்றி உள்ளதாகவும் குறிப்பாக கொரோனா நிவாரண நிதியாக குடும்பத்தை தலைவருக்கு தலா 4000 வழங்கியது. பெண்கள் பேருந்தில் இலவசமாக பயணம் செய்ய சலுகை வழங்கியது உள்ளிட்ட பல்வேறு வாக்குறுதிகளில் அவர் குறிப்பிட்டார்.
தொடர்ந்து பேசிய அவர் தமிழகத்தில் இரண்டு கோடியே 66 லட்சம் மின் இணைப்புகள் உள்ளதாகும், அதில் 60 லட்சம் மின் இணைப்புகள் ஆதார் எண் உடன் இணைக்கும் பணி முடிந்துள்ளது. மின்சார வாரியத்தை மேம்படுத்தி நவீனப்படுத்தவே இந்த திட்டம் செயல்படுத்தப்பட்டு வருவதாக தெரிவித்தார். குறிப்பாக ஒருவர் எத்தனை மின்னிணைப்புகள் வைத்திருந்தாலும் அத்தனையும் மின் இணைப்புகளுக்கும் 100 யூனிட் மின்சாரம் தடையின்றி இலவசமாக வழங்கப்படும் என்று தெரிவித்தார்.
இந்நிகழ்ச்சியில் ஆயிரம் விளக்கு திமுக சட்டமன்ற உறுப்பினர் எழிலன் நாகநாதன் சென்னை திமுக மற்கு மாவட்ட செயலாளர் சிட்டு அரசு சேப்பாக்கம் தொகுதி கழக செயலாளர் மதன் மோகன் 63வது வட்ட செயலாளர் பிரபாகரன் உள்ளீட்டு பலர் கலந்து கொண்டனர்