எந்த ஒரு விஷயத்திற்கும் தற்கொலை என்பது தீர்வாகாது. எந்த ஒரு விஷயமாக இருந்தாலும், அதனை நின்று நிதானமாக யோசித்து, அதன் பிறகு செயல்பட்டால் மட்டுமே அந்த பிரச்சனையிலிருந்து நம்மால் வெளிவர முடியும். மாறாக ஒரு பிரச்சனை வந்துவிட்டது என்பதற்காக, அதை சமாளிக்க இயலவில்லை என்று தற்கொலை செய்து கொள்வது மிகப்பெரிய முட்டாள்தனம் ஆகும்.
அந்த வகையில், இலங்கையில் 24 வயதான இளைஞர் ஒருவர் தூக்கிட்டு தற்கொலை செய்து கொண்டதாக எப்பாவலவின் காவல்துறையினருக்கு தகவல் கொடுக்கப்பட்டது. அதன் அடிப்படையில், சம்பவ இடத்திற்கு விரைந்த காவல்துறையினர், இளைஞரின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.
அதன் பிறகு காவல்துறையினர் நடத்திய விசாரணையில் சகோதரருடன் உண்டான வாக்குவாதம் காரணமாக, அந்த இளைஞர் தற்கொலை செய்து கொண்டதாக முதற்கட்ட விசாரணையில் தெரிய வந்துள்ளது.
அதேபோல உயிரிழந்த அந்த இளைஞரின் 3 சகோதரர்கள் மற்றும் ஒரு சகோதரியும் இதற்கு முன்னர் பல்வேறு சூழ்நிலைகளில், பல்வேறு காரணங்களுக்காக தற்கொலை செய்து கொண்டிருருப்பதாக காவல்துறையினர் தரப்பில் தெரிவிக்கப்பட்டுள்ளது.
மேலும் ஏழு பேர் கொண்ட அந்த குடும்பத்தில், இதுவரையில் ஐந்து பேர் தற்கொலை செய்து கொண்டிருப்பதாகவும் காவல்துறையினர் தெரிவித்திருக்கிறார்கள்.
