ஆப்கானிஸ்தானில் தேசிய பத்திரிகையாளர் தினத்தையொட்டி வெளியிடப்பட்ட அறிக்கையில், பல காரணங்களுக்காக 53% ஊடகவியலாளர்கள் வேலையிழந்து உள்ளதாகவும், 50% ஊடக நிறுவனங்கள் மூடப்பட்டுள்ளதாகவும் தெரிவிக்கப்பட்டுள்ளது. ”பெரும்பாலான ஊடக ஊழியர்கள் ஆப்கானிஸ்தானை விட்டு வெளியேறியுள்ளனர். ஊடக சமூகம் பல பிரச்சனைகளை எதிர்கொள்கிறது. ஆப்கானிஸ்தானில் ஊடகங்களின் செயல்பாடுகளுக்கு கட்டுப்பாடுகள் விதிக்கப்பட்டுள்ளன. இது தவிர, ஊடக சமூகத்தின் பாதுகாப்பு சட்டங்கள் இடைநிறுத்தம் ஒரு பெரிய சவாலாக உள்ளது” என்று (ANJU) உறுப்பினர் மஸ்ரூர் லுட்ஃபி கூறியுள்ளார்.
இதற்கிடையே, TOLOnews கருத்தின் படி, தேசிய ஊடகவியலாளர்கள் தினத்தில் பல ஊடகவியலாளர்கள் பொருளாதார சிக்கல்கள் குறித்து கவலை தெரிவித்தனர். ‘பத்திரிக்கையாளர்களின் பிரச்சனைகளில் தீவிர கவனம் செலுத்தி அவர்களின் பாதுகாப்பை உறுதி செய்யுமாறு அரசை கேட்டுக் கொள்வதாக பத்திரிகையாளர் முஸ்தபா ஷஹ்ரியார் கூறியுள்ளார். ஆனால், தலிபான்களின் தகவல் மற்றும் கலாச்சார அமைச்சகம், பத்திரிகையாளர்களின் உரிமைகளை நிலைநிறுத்துவதில் தாங்கள் உறுதியுடன் இருப்பதாகவும், அவர்களுக்கு கிடைக்கும் வசதிகளை அதிகரிக்க முயற்சிகள் மேற்கொள்ளப்பட்டு வருவதாகவும் கூறியதாக TOLOnews தெரிவித்துள்ளது.
ஐக்கிய நாடுகள் சபையின் கூற்றுப்படி, 2022இல், ஆப்கானிஸ்தானில் பத்திரிகையாளர்களுக்கு எதிராக 200-க்கும் மேற்பட்ட மீறல் வழக்குகள் பதிவு செய்யப்பட்டுள்ளன. இதில் தன்னிச்சையான கைது, தவறாக நடத்துதல், துன்புறுத்தல், அச்சுறுத்தல்கள் மற்றும் மிரட்டல் ஆகியவை நடந்துள்ளதாக தெரிவித்துள்ளது. ஆப்கானிஸ்தானில் ஊடக சுதந்திரம் மோசமான நிலைக்குச் சென்றுள்ளது. ஆளும் ஆட்சியின் கீழ் பத்திரிகையாளர்கள் குறைந்த மன உறுதியால் பாதிக்கப்பட்டுள்ளனர். நாடு முழுவதும் உள்ள தலிபான் அதிகாரிகளுக்குப் பிடிக்காத முக்கியமான விஷயங்களைப் புகாரளித்ததற்காக பல நிருபர்கள் கைது செய்யப்பட்டு, துன்புறுத்தப்பட்டு, மரண அச்சுறுத்தலுக்கு உள்ளாகியுள்ளனர் என்று காமா பிரஸ் தெரிவித்துள்ளது.
பல வானொலி மற்றும் தொலைக்காட்சி நிலையங்கள் மற்றும் செய்தி நிறுவனங்கள் கதவுகளை மூடிவிட்டன. சில மதிப்பீடுகளின்படி 6,000-க்கும் மேற்பட்ட பத்திரிகையாளர்கள் வேலையை பறிகொடுத்துள்ளனர். பெண்கள் பல்கலைக்கழகத்தில் சேருவதையும், அரசு அல்லது அரசு சாரா உதவி நிறுவனங்களுடன் பணிபுரிவதையும், பொது இடங்களில் தோன்றுவதையும் கட்டுப்படுத்தும் தலிபான்கள் விதித்துள்ள சமீபத்திய கட்டுப்பாடுகள் பெண் பத்திரிகையாளர்களையும் பாதித்துள்ளதாக காமா பிரஸ் தெரிவித்துள்ளது.
