ஜார்க்கண்ட் மாநில பகுதியில் உள்ள பெண் ஒருவர் அதே பகுதியில் அமைந்துள்ள வங்கிக்கு கடன் வாங்க சென்ற நிலையில், வங்கி அதிகாரிகள் அவர்களுக்கு கடன் வழங்கவில்லை.
இந்த நிலையில் பணம் கேட்டு வந்த பெண்ணை சந்தித்த சஞ்சய் பெஸ்ரா (50) என்பவர் கடன் தந்துள்ளார். ஆனால் அந்த பெண்ணால் வாங்கிய கடனை திரும்ப செலுத்த முடியவில்லை.
இதனை தொடர்ந்து அவர் கடன் வாங்கிய பெண்ணின் வீட்டிற்கு சென்று தனது பணத்தை திரும்ப கேட்டுள்ளார். இதனையடுத்து பணத்தை திரும்ப கொடுக்க முடியாததால் தனது மகளையே திருமணம் செய்து வைப்பதாக தெறிவித்துள்ளார்.
இன்று திருமண ஏற்பாடுகள் நடைபெற்று கொண்டிருந்த போது அப்பகுதி மக்கள் சிறுமிக்கு திருமணம் நடப்பதாக போலீசாருக்கு தகவல் தெரிவித்துள்ளனர். தகவலின் பேரில் காவல்துறையினர் சம்பவ இடத்திற்கு விரைந்து வருவதற்குள் சஞ்சய் பெஸ்ரா அங்கிருந்து தப்பி ஓடியுள்ளார்.
இதனிடையில் காவல்துறையினர் நடத்திய விசாரணையில் சஞ்சய் பெஸ்ரா தனது மதத்தின் பெயரை தேவைக்கேற்ப மாற்றி திருமணம் செய்து கொள்ள முயன்றதும், இதனை போல் பல பெண்களை ஏமாற்றி திருமணம் செய்து வந்துள்ளதும் தெரியவந்துள்ளது.
