வேலூர் அருகே திருவலம் பேருந்து நிலையத்தில் கல்லூரி மாணவியை, மாணவர் ஒருவர் கத்தியால் குத்தியதால் பரபரப்பு ஏற்பட்டது..
வேலூர் அருகே உள்ள கிராமத்தில் சதீஷ் குமார், அதே பகுதியை சேர்ந்த 18 வயதான பெண் இருவரும் காதலித்து வந்துள்ளனர்.. இருவரும் வெவ்வேறு கல்லூரிகளில் படித்து வரும் நிலையில், அப்பெண் வேறு ஒரு நபரை காதலிப்பதாக சதீஷ்குமாருக்கு சந்தேகம் ஏற்பட்டுள்ளது. இதனால் இருவருக்கும் அடிக்கடி தகராறு ஏற்பட்டு வந்துள்ளது.. இந்நிலையில் திருவலம் பேருந்து நிலையம் அருகே இருந்த உள்ள ஒரு கோயிலில் சதீஷ் குமார் நீண்ட் நேரம் பேசி கொண்டிருந்ததாக கூறப்படுகிறது.. ஒருகட்டத்தில் இருவருக்கும் வாக்குவாதம் ஏற்பட்டுள்ளது.. இதனால் ஆத்திரமடைந்த சதீஷ் குமார் கையில் வைத்திருந்த கத்தியால் அப்பெண்ணின் கழுத்தில் குத்தியுள்ளார்..
இதில் படுகாயமடைந்து ரத்த வெள்ளத்தில் கிடந்த பெண்ணை அக்கம் பக்கத்தினர் மீட்டு வேலூரில் உள்ள தனியார் மருத்துவமனையில் அனுமதித்தனர்.. தீவிர சிகிச்சை பிரிவில் அப்பெண்ணுக்கு சிகிச்சை அளிக்கப்பட்டு வருகிறது.. இதனிடையே இந்த தகவலை அறிந்த காவல்துறையினர் சதீஷ்குமாரை பிடித்து அவரிடம் விசாரணை மேற்கொண்டு வருகின்றனர்..
