ஆவடி அருகே அண்ணனூர் பொன்னியம்மன் கோவில் தெருவை சேர்ந்தவர் ஜோதிபாஸ். இவர் மருத்துவப் பிரதிநிதியாக பணிபுரிந்து வருகிறார் இவருடைய மனைவி ரம்யா (37) இந்த தம்பதிகளுக்கு 13 வயதில் ஒரு மகனும், 10 வயதில் ஒரு மகளும் இருக்கிறார்கள்.
ஜோதிபாசுக்கும், அவருடைய மனைவிக்கும் இடையே அடிக்கடி தகராறு ஏற்படுவது வழக்கம் இந்த நிலையில், ரம்யாவின் மகளுக்கு நேற்று பிறந்த நாள் என்று கூறப்படுகிறது. அதனால் கேக் வெட்டி அந்த விழாவை குடும்பத்தினருடன் ரம்யா கொண்டாடியிருக்கிறார். அதன் பிறகு அவர் தோழி வீட்டிற்கு செல்வதாக தெரிவித்துவிட்டு வெளியே சென்றுள்ளார். வெகு நேரம் ஆன பின்னரும் அவர் வீடு திரும்பவில்லை இதனால் குடும்பத்தினர் ரம்யாவை தேடத் தொடங்கினார். இந்த நிலையில், அண்ணனூர் ரயில் நிலையம் அருகே சென்னையில் இருந்து அரக்கோணம் நோக்கி சென்ற மின்சார ரயில் மோதி இளம் பெண் ஒருவர் உயிரிழந்த தகவல் ஆவடி ரயில்வே காவல்துறையினருக்கு தகவல் கிடைத்தது.
இதன் பெயரில் உடனடியாக அந்த பகுதிக்குச் சென்ற ரயில்வே காவல்துறையினர் அந்தப் பெண்ணின் சார்பாக மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். ரயில் மோதி உயிரிழந்த பெண் தொடர்பான விவரங்களை காவல்துறையினர் விசாரித்தபோது, அது ரம்யா என்று தெரியவந்தது. இதனைத் தொடர்ந்து, ரம்யாவின் குடும்பத்தினருக்கு காவல்துறையினர் தகவல் கொடுத்தனர்.
இதைக் கேட்டு அதிர்ச்சி அடைந்த ரம்யாவின் குடும்பத்தினர் கதறி அழத் தொடங்கினர். அதன் பிறகு பிரேத பரிசோதனைக்கு பின் ரம்யாவின் சடலம் அவருடைய குடும்பத்தினரிடம் ஒப்படைக்கப்பட்டது. ரம்யாவின் இறப்பு தொடர்பாக விசாரித்த போது அவர் தற்கொலை செய்து கொள்ள முடிவு செய்தது தெரிய வந்தது. மகளின் பிறந்தநாளை கொண்டாடிவிட்டு ரயில் முன் பாய்ந்து ரம்யா தற்கொலை செய்து கொண்ட சம்பவம் அந்த பகுதியில் சோகத்தை ஏற்படுத்தியிருக்கிறது.
