சென்னை நகரின் வீட்டுத் தேவைகளைப் பூர்த்தி செய்வதற்காக 1947 ஆம் ஆண்டு “சிட்டி இம்ப்ரூவ்மென்ட் டிரஸ்ட்” என்ற பெயரில் ஒரு சிறிய அமைப்பு உருவாக்கப்பட்டது. பின்னர் 1961 ஆம் ஆண்டில் “தமிழ்நாடு வீட்டுவசதி வாரியம்” என ஒரு முழுமையான அமைப்பாக வளர்ந்தது. நகர்ப்புற வளர்ச்சியின் காரணமாக மாநிலம் முழுவதும் வீட்டுத் துறையில் அதிகரித்து வரும் தேவை வேலை வாய்ப்புகளைத் தேடி நகர்ப்புறங்களுக்கு இடம்பெயர்வதற்கு வழிவகுக்கிறது.
அதனை சாதகமாக பயனடுத்திக்கொண்ட மோசடி கும்பல், அப்பாவி மக்களை ஏமாற்றி பல கோடி மோசடி செய்துள்ளனர். சென்னை திருவல்லிக்கேணி பகுதியில், தமிழ்நாடு நகர்ப்புற வாழ்விடம் மேம்பாட்டு வாரியத்தின் அடுக்குமாடி குடியிருப்புகளில் வீடுகளை வழங்குவதாகக் கூறி ரூ.2.56 கோடி மோசடி செய்த கும்பலை போலீசார் கைது செய்தனர்.
2024 ஆம் ஆண்டு ஆகஸ்ட் மாதம் இரு பெண்கள் தேனாம்பேட்டை TNUHDB அலுவலகத்தில் புகார் அளித்தனர். தங்களுக்கு ஒதுக்கப்பட்ட வீட்டு எண்ணில் ஏற்கனவே மற்றவர்கள் குடியேறியிருந்ததாக அவர்கள் தெரிவித்தனர். TNUHDB அதிகாரிகள், அவர்களுக்கான வீட்டு ஒதுக்கீட்டு ஆணையை யார் வழங்கியது எனக் கேட்டபோது, வில்லிவாக்கத்தை சேர்ந்த பாலு மற்றும் பாலசுப்ரமணியன் என்பவர் 3.5 லட்சம் ரூபாய் செலுத்தினால் வீடு கிடைக்கும் எனக் கூறி தங்களை நம்பவைத்ததாக அவர்கள் தெரிவித்தனர்.
விசாரணையில், அவர்களுக்கு வழங்கப்பட்ட ஆவணங்கள் அனைத்தும் போலியானவை என தெரியவந்தது. CCB அதிகாரிகள் நடத்திய விசாரணையில், பிரதான குற்றவாளியின் ஆதரவாளர்கள் ஒவ்வொருவரிடமும் 3.5 லட்சம் முதல் 4 லட்சம் ரூபாய் வரை வசூல் செய்தது கண்டுபிடிக்கப்பட்டது. மேலும், மோசடியில் ஈடுபட்ட ஏஜென்ட்களுக்கு ஒருவர் மூலம் கவரப்பட்ட ஒவ்வொருவருக்கும் ரூ.25,000 முதல் ரூ.50,000 வரை கமிஷன் வழங்கப்பட்டுள்ளதாக தகவல்கள் வெளிவந்துள்ளன.
இந்த வழக்கை விசாரித்து வந்த பெருநகர சென்னை காவல்துறையின் மத்திய குற்றப்பிரிவு (CCB), கடந்த மாதம் எட்டு பேரை கைது செய்தது. கைது செய்யப்பட்டவர்களில் பாலசுப்ரமணியன், மகேஷ், லியோ, எசக்கிமுத்து, கபாலிநாதன் ஆகியோர் அடங்குவர். இவர்கள்மீது போலி ஆவணங்கள் தயாரித்தல் மற்றும் மோசடி செய்ததற்காக பல்வேறு பிரிவுகளின் கீழ் வழக்குப்பதிவு செய்யப்பட்டுள்ளது.
Read more:போலீசாரிடமிருந்து தப்பிக்க போதைப்பொருள் பாக்கெட்டை விழுங்கிய நபர் உயிரிழப்பு..!!
