திருவள்ளூர் மாவட்டத்தில் உள்ள திருவேற்காடு பகுதி சுந்தர சோழபுரம் செல்லியம்மன் கோவில் வசித்து வந்த சொக்கலிங்கம் என்பவரது மகன் வருண் என்பவர், தனியார் கல்லூரி ஒன்றில் மூன்றாம் ஆண்டு படித்து வந்துள்ளார். இந்த சூழலில் வருணின் தாய் குடும்பத்தில் நிகழ்ந்த சில பிரச்சனை காரணமாக மூன்று மாதங்களுக்கு முன்பு தற்கொலை செய்து கொண்டார்.
இதனை ஏற்று கொள்ளாத மகன் வருண் சில மாதங்களான யாருடனும் பேசாமல் தனிமையிலே இருந்து வந்துள்ளார். இதனையடுத்து நேற்று முந்தினம் தனியாக வீட்டில் இருந்து வந்த வருண் தூக்கிட்டு தற்கொலை செய்து கொண்டுள்ளார். இதனை கண்டு பெரும் அதிர்ச்சிக்குள்ளான தந்தை அருகில் இருக்கும் காவல்துறைக்கு தகவல் தெரிவித்துள்ளார்.
அங்கு வந்த போலிஸார் உடலை மீட்டு உடற்கூறு ஆய்விற்காக மருத்துவமனைக்கு அனுப்பிவைத்ததுடன், தற்கொலை குறித்து போலிஸார் மேற்கொண்ட விசாரணையில் தாய் இறந்த துக்கத்தினை ஏற்றுக் கொள்ள முடியாத வருண் தற்கொலை செய்து கொண்டது முதற்கட்ட விசாரணையில் தெரியவந்துள்ளது.
மேலும், வருண் தற்கொலைக்கு இன்னும் வேறு ஏதாவது காரணங்கள் இருக்கின்றனவோ என்ற பல்வேறு கோணத்திலும் போலிஸார் விசாரணை நடத்தி வருகின்றனர். தாய் இல்லாத துக்கத்தில் மகனும் தற்கொலை செய்து கொண்ட சம்பவம் அனைவரிடத்திலும் அதிர்ச்சியையும், சோகத்தையும் ஏற்படுத்தியுள்ளது.
