Divorce: உத்தரபிரதேச மாநிலம் ஆக்ராவில் திருமணமான 40 நாட்களிலேயே பெண் ஒருவர், கணவரிடம் இருந்து விவாகரத்து கோரியுள்ளார்.
பெண்ணின் கூற்றுப்படி, அவரது கணவர் மாதம் ஒன்று அல்லது இரண்டு முறை மட்டுமே குளிப்பார், இதனால் அவருக்கு உடல் துர்நாற்றம் வீசுகிறது என்று குற்றம்சாட்டியுள்ளார். ஆக்ராவில் உள்ள குடும்ப ஆலோசனை மையத்தை அணுகிய பெண், இதுபோன்ற மோசமான சுகாதாரத்தை பராமரிக்கும் ஒரு ஆணுடன் தொடர்ந்து வாழ முடியாது என்று புகார் கூறினார். அந்த பெண்ணின் கணவரிடம் அதிகாரிகள் விசாரித்தபோது அவர் கூறிய பதிலைக் கேட்டு அதிர்ச்சியடைந்தனர். அவர் வழக்கமாக மாதத்திற்கு ஒருமுறை அல்லது இரண்டு முறை மட்டுமே குளிப்பார் என்றும், வாரத்திற்கு ஒருமுறை கங்காஜலை (கங்கை நதியிலிருந்து வரும் தண்ணீரை) தனது உடலில் தெளிப்பதாகவும் கூறினார். இருப்பினும், அவர்களது 40 நாள் திருமணத்தில், அவர் தனது மனைவியின் வற்புறுத்தலால் ஆறு முறை குளித்துள்ளார்.
குடும்பநல மையத்தின் ஆலோசகர் கூறுகையில், திருமணமான சில வாரங்களில், தம்பதியினருக்கு இடையே கடுமையான வாக்குவாதம் ஏற்பட்டது, அதைத் தொடர்ந்து அந்தப் பெண் தனது பெற்றோரின் வீட்டிற்குத் திரும்பினார். இதையடுத்து, அவரது குடும்பத்தினர் உள்ளூர் காவல் நிலையத்தில் வரதட்சணை கொடுமை புகார் அளித்து விவாகரத்து கோரினர். காவல்துறையினருடன் கலந்துரையாடிய பிறகு, ராஜேஷ் தனது சுகாதாரத்தை மேம்படுத்தவும், தினமும் குளிக்கவும் ஒப்புக்கொண்டார். இருப்பினும், அவரது மனைவி அவருடன் வாழ விரும்பவில்லை. மேலும் தீர்வுக்காக செப்டம்பர் 22-ம் தேதி ஆலோசனை மையத்திற்குத் திரும்புமாறு தம்பதிகளுக்கு அறிவுறுத்தப்பட்டுள்ளது.
