உலக அளவில் கொரோனா பாதிப்புகள் குறைந்து வரும் நிலையில், அதன் புதிய மாறுபாடுகள் தொடர்ந்து கொண்டே தான் இருக்கிறது. அந்த வகையில் ஓமிக்ரானின் புதிய மாறுபாடான EG.5 – அதாவது எரிஸ் என அறியப்படும் இது சீனா, அமெரிக்கா, ஜப்பான், தென் கொரியா, கனடா மற்றும் ஆஸ்திரேலியா, சிங்கப்பூர், இங்கிலாந்து, பிரான்ஸ், போர்ச்சுகல் மற்றும் ஸ்பெயின் என பல நாடுகளில் இந்த வகையான வைரஸ் கண்டறியப்பட்டுள்ளது. இந்த எரிஸ் வைரஸ் பழைய கொரோனா மாறுபாடுகளை காட்டிலும் தீவிரமானதில்லை எனவும், அச்சுறுத்தல்களை ஏற்படுத்தாது, இதனால் பயப்பட தேவையில்லை எனவும் கூறப்படுகிறது. இருந்தாலும் WHO EG.5 மாறுப்பட்டை தீவிரமாக கண்காணித்து வருகிறது.
EG.5(எரிஸ்) என்பது ஓமிக்ரானின் புதிய துணை வகையாகும்.
மருத்துவரின் கூற்றுப்படி, இது நெருங்கிய தொடர்பு மற்றும் சுவாச துளிகளால் பரவுகிறது. தற்போதுள்ள தடுப்பு நடவடிக்கைகள் EG.5 க்கு எதிராக பயனுள்ளதாக இருக்கும்.
அறிகுறிகள்: EG.5 ஒரு புதிய மாறுபாடு என்றாலும், அதற்கான தனி அறிகுறிகள் என்று அதுவும் இல்லை, முந்தைய கோவிட் தொற்றுகளின் அறிகுறிகளை போலவே, காய்ச்சல், தொண்டை புண், தும்மல், மூக்கு ஒழுகுதல், மூக்கு அடைப்பு, தலைவலி, புண் தசைகள், பிடிப்புகள், உடல் வலி, குமட்டல் மற்றும் மூச்சுத் திணறல் ஆகியவை பொதுவான அறிகுறிகளாகும். சில எரிஸ் நோயாளிகளுக்கு சுவை அல்லது வாசனை இழப்பும் ஏற்படலாம் என்று கூறப்படுகிறது.
நிலையான கோவிட்-19 சோதனைகள் SARS-CoV-2 வைரஸ் இருப்பதைக் கண்டறிய முடியும், இதில் EG.5 மாறுபாடு உள்ளது. இருப்பினும், குறிப்பிட்ட மாறுபாட்டை உறுதியாக உறுதிப்படுத்த மரபணு வரிசைமுறை தேவைப்படுகிறது.
EG.5 மற்றும் பிற மாறுபாடுகளிலிருந்து தன்னைப் பாதுகாத்துக் கொள்ள, தனிநபர்கள் தடுப்பு நடவடிக்கைகளைத் தொடர அறிவுறுத்தப்படுகிறார்கள். நோய்வாய்ப்பட்டிருக்கும்போது முகமூடிகளை அணிவது, மருத்துவ உதவியை நாடுவது அல்லது நெரிசலான இடங்களுக்கு செல்வதை தவிர்ப்பது போன்றவைகள் அடங்கும். மேற்கூறிய அறிகுறிகளில் ஏதேனும் இருந்தால், சரியான நேரத்தில் சிகிச்சை பெற அவர்கள் உடனடியாக கோவிட் பரிசோதனைக்கு உட்படுத்த வேண்டியது அவசியம் என்று மருத்துவர்கள் கூறுகின்றனர்.
இந்தியாவில் EG.5 மாறுபாட்டின் தாக்கம் குறைவாகவே உள்ளது. கடந்த மே 2023-ல் மகாராஷ்டிராவின் புனேவில் ஒரு வழக்கு மட்டுமே பதிவாகியுள்ளது.
