கர்நாடக மாநிலம் விஜயபுரம் பகுதியில் பல்வேறு இடங்களில் இன்று காலை 2 முறை நிலநடுக்கம் உணரப்பட்டுள்ளது.. காலை 6.22-க்கு 4.9 என்ற ரிக்டர் அளவிலும், 6.24 மணிக்கு 4.6 என்ற ரிக்டர் அளவிலும் நிலநடுக்கம் உணரப்பட்டது.. இந்த நிலநடுக்கம் 5 கி.மீ ஆழத்தில் ஏற்பட்டதாகவும் தேசிய நிலநடுக்க அறிவியல் மையம் தெரிவித்துள்ளது.. கர்நாடகாவில் கடந்த 15 நாட்களில் பல்வேறு இடங்களில் நிலநடுக்கம் ஏற்பட்டுள்ளது.. எனினும் இந்த நிலநடுக்கம் காரணமாக உயிர் சேதமோ அல்லது பொருட்சேதமோ ஏற்படவில்லை..
இதனிடையே அந்தமான் நிகோபர் தீவிலும் இன்று அதிகாலை நிலநடுக்கம் பதிவானது.. போர்ட் பிளேர் நகரிலிருந்து 233 கி.மீ தென் கிழக்கே அதிகாலை 2.35 மணியளவில் கடுமையான நிலநடுக்கம் ஏற்பட்டது.. 10 கி.மீ ஆழத்தில் ஏற்பட்ட இந்த நிலநடுக்கம் 4.8 என்ற அளவில் பதிவானதாக தெரிவிக்கப்பட்டுள்ளது..
