சேலம் மாவட்டம் ஆத்தூர் ரயில் நிலையத்திற்கு அருகே புத்து மாரியம்மன் கோவில் தெருவை சேர்ந்த 48 வயதான கிருஷ்ணராஜ் என்பவர் முதல் மனைவி பிரிந்த நிலையில் இரண்டாவதாக மீனா என்ற பெண்ணை 19 ஆண்டுகளுக்கு முன்பே திருமணம் செய்து கொண்டார்.
மீனாவுக்கு தற்போது, 26 வயதில் விக்னேஷ் என்ற மகன் இருக்கின்றார். சிறு வயதில் இருந்தே தனது மகனைப் போலவே கிருஷ்ணராஜ் அவரை வளர்த்து வந்துள்ளார். கிருஷ்ணராஜ் அடிக்கடி குடித்துவிட்டு வீட்டிற்கு வந்து இரவு நேரத்தில் தொல்லை கொடுத்து வந்துள்ளார்.
மது பழக்கத்திற்கு அடிமையான அவரின் அராஜகம் நாளுக்கு நாள் அதிகரித்துக் கொண்டே இருந்தது. எனவே, மீனாவிடம் தகராறு செய்த கிருஷ்ணராஜ் மீது விக்னேஷ் ஆத்திரத்தில் இருந்து வந்துள்ளார். சம்பவ தினத்திலும் அதுபோல மீனாவிடம் கிருஷ்ணராஜ் வம்பு இழுத்து அவரை சரமாரியாக தாக்கியுள்ளார்.
இதனால் ஆத்திரம் அடைந்த விக்னேஷ் மீன் வெட்டும் கத்தியை எடுத்து கிருஷ்ணராஜை தாக்க ஆரம்பித்தார். அலறி அடித்து அங்கிருந்து கிருஷ்ணராஜ் ஓட அவரை விரட்டி விரட்டி சென்று கத்தியால் வெட்டி கொலை செய்துள்ளார் விக்னேஷ்.
