நம் நாட்டில் அறுபது வயதிற்கு மேற்பட்டவர்களை மூத்த குடிமக்கள் எனக் கணக்கீடு செய்துள்ளனர். அதேப் போல் அவர்களின் சராசரி வயது படிப்படியாக அதிகரித்து வரும் சூழலில், மூத்த குடிமக்களின் சவால்களும் அதிகரித்து வருகின்றன. அவர்களின் நிதிப் பிரச்சனைகளை மனதில் கொண்டு, மூத்த குடிமக்கள் சேமிப்புத் திட்டம் கடந்த 2004 ஆம் ஆண்டு இந்திய அரசாங்கத்தால் தொடங்கப்பட்டது. இந்த திட்டத்தின் மூலம், அவர்கள் உத்தரவாதமான வருமானத்தை பெறுவது மட்டும் அல்லாமல் அவர்களின் சொந்த நிதித் தேவைகளை பூர்த்தி செய்து கொள்ளவும் முடியும்.
சரி அவ்வாறு மூத்த குடிமக்கள் SCSS கணக்கைத் தொடங்க என்னென்ன வழிமுறைகள் என்பதை இந்த பதிவின் மூலம் பார்க்கலாம்…
SCSS கணக்கைத் தொடங்க தேவையான தகுதிகள் :
- 55 வயது மற்றும் அதற்கு மேற்பட்ட ஓய்வு பெற்ற ஒருவர் இந்தத் திட்டத்தைத் தொடங்கலாம்.
- 60 வயது மற்றும் அதற்கு மேல் இருப்பவர்களும் விண்ணப்பிக்கலாம்
- 50 வயதுக்கு மேற்பட்ட ஓய்வுபெற்ற பாதுகாப்புத்துறை பணியாளர்கள் கணக்கை தொடங்கலாம்
SCSS கணக்கைத் திறக்க தேவையான ஆவணங்கள் என்னென்ன?
- ஆதார் அல்லது மூத்த குடிமக்கள் அட்டை
- வயது சான்று
- பாஸ்போர்ட்
- பிறப்புச் சான்றிதழ்
- வாக்காளர் அடையாள அட்டை
- ரேஷன் கார்டு
- ஓட்டுனர் உரிமம்
- பான் கார்டு
முதலீட்டு தொகை மற்றும் வட்டி விகிதம் : மூத்த குடிமக்களுக்கான SCSS கணக்கில், குறைந்தபட்ச முதலீட்டுத் தொகை ரூ1000 ஆகும். அதிகபட்சம் ரூ. 15 லட்சம் வரை முதலீடு செய்யலாம். திட்டத்தில் வைப்புத்தொகை என்பது ஒரு முறை மட்டுமே என்றாலும், ஒரு நபர் பல SCSS கணக்குகளைத் திறக்க முடியும். வட்டி விகிதம் நிதி அமைச்சகத்தால் காலாண்டுக்கு மதிப்பாய்வு செய்யப்படுகிறது மற்றும் அவ்வப்போது மாற்றத்திற்கு உட்பட்டது.
SCSS பதவிக்காலம் எத்தனை ஆண்டுகள்? : SCSS இன் பதவிக்காலம் 5 ஆண்டுகள் ஆகும். இருப்பினும், திட்டத்தை மேலும் மூன்று ஆண்டுகளுக்கு நீட்டிக்க வாய்ப்புள்ளது. திட்டத்தை நீட்டிப்பதற்காக, படிவம் பி-ஐ 5 ஆண்டுகள் முடிந்த பிறகு பூர்த்தி செய்து சமர்ப்பிக்க வேண்டும். மேலும் முன்கூட்டியே திரும்பப் பெறுதல் அனுமதிக்கப்படுகிறது. ஆனால் கணக்குத் தொடங்கி ஒரு வருடத்திற்குப் பிறகு மட்டுமே திரும்ப பெறுதல் அனுமதிக்கப்படுகிறது. இருவேளை கணக்கு வைத்திருப்பவர் உயிரிழந்தால் கணக்கை முன்கூட்டியே மூடுவதற்கு கட்டணம் அல்லது அபராதம் விதிக்கப்படாது.
கணக்கு தொடங்கும் வங்கிகள் : மூத்த குடிமக்கள் திட்டத்தினை அஞ்சல் அலுவலகங்கள் தவிர, கீழே குறிப்பிடப்பட்டுள்ள தேர்ந்தெடுக்கப்பட்ட பொது மற்றும் தனியார் துறை வங்கிகளிலும் வழங்கப்படுகிறது. இந்தியன் வங்கி, இந்தியன் ஓவர்சீஸ் வங்கி, பேங்க் ஆஃப் பரோடா, பேங்க் ஆஃப் இந்தியா, கார்ப்பரேஷன் வங்கி, கனரா வங்கி, பாரத ஸ்டேட் வங்கி, ஆந்திரா வங்கி உள்ளிட்ட தேசியமயமாக்கப்பட்ட எந்த வங்கியிலும் SCSS கணக்கை மூத்த குடிமக்கள் தொடங்கி பயனடையலாம்.
