Tattoo போடுபவர்களுக்கு தோல் மற்றும் லிம்போமா புற்றுநோய்கள் வருவதற்கான அதிக ஆபத்து இருப்பதாக சமீபத்திய ஆய்வில் தெரியவந்துள்ளது.
தெற்கு டென்மார்க் பல்கலைக்கழகத்தின் (SDU) பொது சுகாதாரத் துறை மற்றும் மருத்துவ ஆராய்ச்சித் துறையைச் சேர்ந்த ஆராய்ச்சியாளர்கள், ஹெல்சின்கி பல்கலைக்கழகத்துடன் இணைந்து Tattoo போடுவதன் ஆரோக்கிய விளைவுகளை ஆய்வு செய்தனர். Tattoo போட்டுக்கொள்ள தோலில் செலுத்தப்படும் மை, அது செலுத்தப்பட்ட இடத்திலேயே தங்கிவிடாமல், நிணநீர் முனைகளுக்கு இடம்பெயர்ந்து அங்கேயே குவிகிறது என்பதை ஆராய்ச்சியாளர்கள் கண்டறிந்துள்ளனர். நிணநீர் முனையங்கள் நோயெதிர்ப்பு மண்டலத்தின் ஒரு முக்கிய பகுதியாகும், மேலும் இது தொற்றுநோய்களை எதிர்த்துப் போராடவும், உடலில் இருந்து தீங்கு விளைவிக்கும் பொருட்களை அகற்றவும் உதவுகிறது.
Tattoo போடப்பட்ட மை நிணநீர் முனைகளில் சேரும்போது, அது நாள்பட்ட அழற்சியைத் தூண்டும். காலப்போக்கில் இது அசாதாரண செல் வளர்ச்சிக்கு வழிவகுக்கும் மற்றும் புற்றுநோயின் அபாயத்தை அதிகரிக்கும் என்று ஆராய்ச்சியாளர்கள் கூறுகின்றனர். 1960 மற்றும் 1996 க்கு இடையில் பிறந்த 2,367 இரட்டையர்களிடம் ஆய்வு செய்யப்பட்டது. அவர்களில் Tattoo போடுவதால் ஆரோக்கிய விளைவுகளை பாதிக்கக்கூடிய மரபணு மற்றும் சுற்றுச்சூழல் காரணிகளையும் இந்த ஆய்வு பகுப்பாய்வு செய்யப்பட்டது.
புற்றுநோய் நோயாளிகளில் Tattoo போடுவது அதிகமாக இருப்பதாக ஆராய்ச்சியாளர்கள் கண்டறிந்தனர். அதில் ஒருவருக்கு புற்றுநோய் இருந்தது, மற்றொருவருக்கு புற்றுநோய் இல்லை. Tattoo போடுபவர்களில் தோல் புற்றுநோய் வருவதற்கான ஆபத்து 62% அதிகமாக இருப்பதையும் அவர்கள் கண்டறிந்தனர். புற்றுநோய் அபாயத்தில் Tattoo போடுதலின் அளவு குறிப்பிடத்தக்க பங்கைக் கொண்டுள்ளது என்றும் ஆராய்ச்சியாளர்கள் தெரிவித்தனர். Tattoo போடுதலின் அளவு பெரிதாக இருந்தால், புற்றுநோய்க்கான ஆபத்து அதிகமாகும்.
Readmore: இந்த உணவுப் பொருட்களை இரும்புப் பாத்திரங்களில் சமைக்கக் கூடாது!. நிபுணர்கள் எச்சரிக்கை!
