ஒட்டுமொத்த தேசத்திலிருந்தும் காங்கிரஸ் தோற்கடிக்கப்பட வேண்டும் என பாஜக மாநில தலைவர் அண்ணாமலை கருத்து தெரிவித்துள்ளார்.
உத்தரப்பிரதேசத்தின் ரேபரேலி மற்றும் அமேதி தொகுதிகளில் போட்டியிடுவதற்கான காங்கிரஸ் வேட்பாளர்களை அக்கட்சி அறிவித்துள்ளது. ரேபரேலி தொகுதியில் ராகுல் காந்தி போட்டியிடுவார் என்று அறிவிக்கப்பட்டு நேற்று வேட்புமனு தாக்கல் செய்தார். இந்த நிலையில் ஒட்டுமொத்த தேசத்திலிருந்தும் காங்கிரஸ் தோற்கடிக்கப்பட வேண்டும் என பாஜக மாநில தலைவர் அண்ணாமலை கருத்து தெரிவித்துள்ளார்.
ராகுல் காந்தி ரேபரேலி தொகுதியில் போட்டியிடுவது குறித்து தனது எக்ஸ் தளத்தில் அண்ணாமலை கூறியதாவது; வயநாடு தேர்தலுக்குப் பிறகு ரேபரேலியில் வேட்புமனு தாக்கல் செய்வதாக அறிவித்தது.., காங்கிரஸ் கட்சிக்குள் உள்ள சீரழிவைக் காட்டுகிறது. காங்கிரஸ் நம்பிக்கைத் துரோகம் செய்ததற்காக தெற்கில் மட்டும் தோற்கடிக்கப்படக்கூடாது, ஒட்டுமொத்த தேசத்திலிருந்தும் தோற்கடிக்கப்பட வேண்டும். வயநாட்டில் தேர்தல் முடிந்த பிறகு ராகுல்காந்தி வடமாநிலங்களில் ஒரு இடத்தைப் பார்ப்பார் என்று நமது பிரதமர் நரேந்திர மோடி சரியாகச் சுட்டிக்காட்டினார், சரியாகக் கணித்தபடி இன்று வயநாடு மக்களைக் கைவிட்டு ரேபரேலிக்குச் சென்றுவிட்டார்.
சரியாகச் சொன்னால், காங்கிரஸ் கட்சி நமது வாக்காளர்களை சாதாரணமாக எடுத்துக் கொண்டு, பல ஆண்டுகளாக எந்தப் பொறுப்புணர்ச்சியுமின்றி செயல்பட்டு வந்த அரசியல், நமது பிரதமர் மாற்றப் பாடுபடுகிறார். வயநாடு மற்றும் ரேபரேலி தேர்தல் முடிவுகள் ஜூன் 4-ம் தேதி அறிவிக்கப்படும் போது காங்கிரஸ் கட்சி அதிர்ச்சிக்கு உள்ளாகும் என தெரிவித்துள்ளார்.
