இந்திய டி20 உலககோப்பை சூப்பர் 12 சுற்றில் ஜிம்பாவே அணியை எதிர்கொண்டது. அப்போது ரோகித் ஷர்மா தான் பேசும்போது வீடியோவில் பின்பக்கத்தில் அஷ்வினும் தெரியும்படி சேர்த்து வீடியோவை எடுத்துள்ளனர்.
அந்த வீடியோவில் அஷ்வின் தனது ஸ்வெட்டர் தேடிய நிலையில் , அந்த ஸ்வெட்டரை நுகர்ந்து பார்த்து எது தன்னுடையது என கண்டுபிடித்தார். இந்த வீடியோவை ட்விட்டரில் பதிவிட்ட முன்னாள் இந்திய வீரர் அபினவ் முகுந்த், “இதை பல முறை பார்த்து விட்டேன். ஒவ்வொரு முறை இதை பார்க்கும் போதும் சிரிப்பு தான் வருகிறது என்று கூறியுள்ளார்.
மேலும் அஷ்வின் அவர்களே உங்கள் ஸ்வெட்டரை எப்படி கண்டுபிடிப்பது என எங்களுக்கும் சொல்லிகொடுங்கள்” என்று நகைச்சுவையாக ட்விட்டரில் பதிவிட்டிருந்தார்.
இதனை தொடர்ந்து ட்விட்டரிலேயே அவருக்கு பதிலளித்த அஷ்வின், “முதலில் ஸ்வெட்டரின் அளவை பார்த்தேன், ஸ்வெட்டரை துவைத்தார்களா என்று பார்த்தேன் கண்டுபிடிக்க முடியவில்லை. கடைசியாக அந்த ஸ்வெட்டரில் எந்த வகையான நறுமணம் வீசுகிறது என்று பார்த்தேன், கண்டுபிடித்துவிட்டேன் என்று கூறியுள்ளார். மேலும், “அடேய் கேமராமேன” என அதை வீடியோ எடுத்த கேமராமேனையும் திட்டி நகைச்சுவையாக பதிவிட்டார் அஷ்வின்.
