வர்த்தகம் மற்றும் தொழில்துறை அமைச்சகம், இந்தியத் தர நிர்ணய நிறுவனம் மற்றும் பங்குதாரர்களுடன் கலந்தாலோசித்து தரக் கட்டுப்பாட்டு ஆணையை அறிவிப்பதற்கான முக்கிய தயாரிப்புகளை தொழில் மற்றும் உள்நாட்டு வர்த்தக மேம்பாட்டுத் துறை, அடையாளம் கண்டு வருகிறது. இது 318 தயாரிப்புத் தரங்களை உள்ளடக்கிய 60-க்கும் அதிகமான புதிய தரக் கட்டுப்பாட்டு ஆணைகளின் மேம்பாட்டுக்கு வழிவகுத்தது.
இது தாமிரத் தயாரிப்புகளின் 9 தரங்களை உள்ளடக்கியது.தாமிரம் மற்றும் அதன் உலோகக் கலவைகள் மின் உற்பத்தி, மின் பரிமாற்றம், தொலைத்தொடர்பு, மின்சுற்றுகள் மற்றும் பல உபகரணங்களில் பயன்படுத்தப்படுகின்றன. எனவே, தாமிரப் பொருட்கள் சிறந்த தரத்துடன் இருக்க வேண்டும், அதன் தூய்மை எந்த வகையிலும் சமரசம் செய்யப்படக்கூடாது.
இ-அரசிதழில் அறிவிக்கப்பட்ட தேதியிலிருந்து ஆறு மாதங்கள் முடிவடைந்தவுடன் இந்த ஆணைகள் நடைமுறைக்கு வரும். உள்நாட்டு சிறு/ குறுந்தொழில்களைப் பாதுகாக்கவும், தொழில் தொடங்குவதை எளிதாக்கவும் இது உதவும். இந்தியத் தர நிர்ணய சட்டத்தின் விதியை மீறினால் முதல் குற்றத்திற்கு இரண்டு ஆண்டுகள் வரை சிறைத்தண்டனை அல்லது குறைந்தபட்சம் ரூ.2 லட்சம் அபராதம் விதிக்கப்படலாம். இரண்டாவது மற்றும் அடுத்தடுத்த குற்றங்களுக்கு, அபராதம் குறைந்தபட்சம் ரூ.5 லட்சமாகவும் அல்லது பொருட்களின் மதிப்பை விட பத்து மடங்கு வரையும் விதிக்கப்படும்.
