தமிழ்நாட்டில் 11 மற்றும் 12 ஆம் வகுப்பு மாணவர்களுக்கு கடந்த மார்ச் 13ஆம் தேதி பொதுத்தேர்வு தொடங்கிய நிலையில், தற்போது தேர்வுகள் நடந்து கொண்டிருக்கின்றன. இந்நிலையில், 10ஆம் வகுப்பு மாணவர்களுக்கான பொதுத்தேர்வு ஹால் டிக்கெட் மார்ச் 27ஆம் தேதி முதல் ஆன்லைனில் பதிவிறக்கம் செய்து கொள்ளலாம் என அரசு தேர்வுகள் இயக்குனரகம் அறிவித்துள்ளது.
தமிழ்நாடு முழுவதும் ஏப்ரல் 6ஆம் தேதி தொடங்கி ஏப்ரல் 20ஆம் தேதி வரை பத்தாம் வகுப்பு பொதுத்தேர்வு நடைபெற இருக்கிறது. இதற்கான ஹால் டிக்கெட்டுகளை வருகின்ற மார்ச் 27ஆம் தேதி முதல் www.dge.tn.gov.in என்ற இணையதளத்தில் இருந்து பள்ளிகள் தங்களது யூசர் ஐடி மற்றும் பாஸ்வேர்ட் பயன்படுத்தி பதிவிறக்கம் செய்து கொள்ளலாம் என தெரிவிக்கப்பட்டுள்ளது.
