ஓட்டுநர் உரிம பெறுவதற்கான விதிமுறைகளை மத்திய அரசு மிகவும் எளிமையாக்கியுள்ளது. மத்திய சாலைப் போக்குவரத்து மற்றும் நெடுஞ்சாலை அமைச்சகம் இந்த வழிகாட்டுதல்களை அறிவித்துள்ளது.. இந்த புதிய விதிகள் மூலம் ஓட்டுநர் உரிமத்தைப் பெறுவதற்கு இனி வட்டாரப் போக்குவரத்து அலுவலகத்திற்கு (ஆர்டிஓ) சென்று மிகப்பெரிய வரிசையில் காத்திருக்க வேண்டியதில்லை. ஓட்டுநர் உரிமம் பெறுவதற்கான தேவைகளில் செய்யப்பட்ட மாற்றங்களுக்கு ஏற்ப, ஆர்டிஓவுக்குச் சென்று இனி நீங்கள் எந்த வகையான ஓட்டுநர் சோதனையையும் எடுக்க வேண்டியதில்லை. .
மேலும் ஓட்டுநர் உரிமத்தைப் பெறுவதற்கு நீங்கள் இனி ஆர்டிஓவில் சோதனைக்காக காத்திருக்க வேண்டியதில்லை. புகழ்பெற்ற ஓட்டுநர் பயிற்சி நிறுவனங்களள் மூலம் ஓட்டுநர் உரிமத்திற்கு பதிவு செய்யலாம். விண்ணப்பதாரர்கள் தேவையான பயிற்சியை முடித்து அங்கு தேர்வில் தேர்ச்சி பெற்றால் பள்ளியில் இருந்து சான்றிதழ் பெறுவார்கள். இந்த சான்றிதழின் அடிப்படையில் விண்ணப்பதாரரின் ஓட்டுநர் உரிமம் வழங்கப்படும்.
பயிற்சி பள்ளிகளுக்கான புதிய வழிகாட்டுதல்கள்…?
- இரு சக்கர வாகனங்கள், மூன்று சக்கர வாகனங்கள் மற்றும் இலகுரக மோட்டார் வாகனங்களுக்கான பயிற்சி மையங்களுக்கு குறைந்தபட்சம் ஒரு ஏக்கர் நிலம் இருக்க வேண்டும், அதே நேரத்தில் நடுத்தர மற்றும் கனரக பயணிகள் சரக்கு வாகனங்கள் அல்லது டிரெய்லர்களுக்கான மையங்களுக்கு இரண்டு ஏக்கர் தேவை.
- பயிற்சி நிறுவனம் குறைந்தபட்சம் 12-ம் வகுப்பு டிப்ளமோ, குறைந்தது ஐந்து வருட ஓட்டுநர் அனுபவம் மற்றும் போக்குவரத்து விதிமுறைகள் பற்றிய திடமான புரிதல் ஆகியவற்றைப் பெற்றிருக்க வேண்டும்.
- கற்பித்தல் பாடத்திட்டமும் அரசாங்கத்தால் பரிந்துரைக்கப்பட்டுள்ளது. இலகுரக மோட்டார் வாகனங்களை இயக்குவதற்கான பாடநெறி அதிகபட்சம் 4 வாரங்கள் மற்றும் 29 மணிநேரம் வரை நீடிக்கும். இந்த ஓட்டுநர் பள்ளிகள் இரண்டு பகுதி பாடத்திட்டத்தைக் கொண்டிருக்கும்.
- அடிப்படைச் சாலைகள், கிராமப்புறச் சாலைகள், நெடுஞ்சாலைகள், நகரச் சாலைகள், பார்க்கிங், ரிவர்சிங், வாகனம் ஓட்டுவதை மக்கள் கற்றுக் கொள்ள வேண்டும். பாடநெறியின் கோட்பாட்டுப் பகுதி 8 மணிநேரம் நீடிக்கும் மற்றும் சாலை ஒழுக்கம், சாலை சீற்றம், போக்குவரத்துக் கல்வி, விபத்துக்கான காரணங்களைப் புரிந்துகொள்வது, முதலுதவி மற்றும் வாகனம் ஓட்டும்போது எரிபொருள் திறன் போன்ற தலைப்புகளை உள்ளடக்கியது.
