தேனை அடிக்கடி உணவில் பயன்படுத்தி வந்தால் நோய் எதிர்ப்பு சக்தி அதிகரிக்கும் என்பது நம்மில் பலரும் அறிந்ததே. மேலும் தேனை பல நோய்களுக்கு அருமருந்தாகவும் பயன்படுத்தி வருகின்றனர். தேனில் என்னென்ன ஆரோக்கிய குணங்கள் உள்ளன? எப்படி பயன்படுத்தலாம் என்பதை குறித்து பார்க்கலாம் வாங்க.
தேனை அன்றாட உணவில் சேர்த்துக் கொள்வதன் மூலம் நம் உடலில் பாக்டீரியா மற்றும் வைரஸ்களால் ஏற்படும் நோய் தாக்குதல்களை தடுக்கிறது. தேனில் அதிகப்படியாக ஆன்ட்டிஆக்சிடென்ட்கள், வைட்டமின்கள், என்சைம்கள் போன்றவைகள் உள்ளன.
மேலும் தேனில் அதிகப்படியான உள்ள ஆன்ட்டி ஆக்ஸிடென்ட்கள் நம் உடலை சீக்கிரம் முதிர்ச்சி அடையாமல் இருக்கச் செய்கிறது. தேனிலுள்ள என்சைம்கள் செரிமான பிரச்சனையிலிருந்து ஜீரண மண்டலத்தை காக்கிறது.
எடை குறைப்பிற்கும் எடை அதிகரிப்பதற்கும் தேன் ஒன்றே போதுமானது என்று கூறப்பட்டு வருகிறது. தேனை பாலில் கலந்து குடிப்பதன் மூலம் எடை அதிகரிக்கிறது. மேலும் தினமும் காலையில் எழுந்தவுடன் வெறும் வயிற்றில் சுடு தண்ணீரில் தேன் கலந்து குடித்து வந்தால் எடை குறையவும் செய்கிறது இவ்வாறு பல்வேறு நோய்களுக்கு அருமருந்தாகவும் பயன்பட்டு வருகிறது.
