தமிழகத்தில் கனமழை காரணமாக 5 மாவட்டங்களிலும் பாண்டிச்சேரியில் காரைக்கால் பகுதியிலும் உள்ள பள்ளிகளுக்கு இன்று விடுமுறை அளிக்கப்பட்டுள்ளது.
தமிழகத்தில் வடகிழக்கு பருவமழை தீவிரமடைந்து வருவதால், டெல்டா மாவட்டங்கள் மற்றும் தென் மாவட்டங்களில் கனமழை பெய்து வருகிறது. குறிப்பாக நெல்லை, கன்னியாகுமரி, தூத்துக்குடி உள்ளிட்ட பல்வேறு மாவட்டங்களில் கடந்த சில நாட்களாக மிதமான மழை முதல் கனமழை பெய்து வருகிறது.
இந்நிலையில் திருவாரூர் மாவட்டத்தில் உள்ள பள்ளிகளுக்கு விடுமுறை அளிக்கப்பட்டுள்ளது. மேலும் ராமநாதபுரம் மாவட்டத்தில் கனமழை பெய்து வருவதால் அம்மாவட்டத்தில் உள்ள பள்ளி மற்றும் கல்லூரிகளுக்கு விடுமுறை அளிக்கப்படுவதாக மாவட்ட ஆட்சியர் அறிவித்துள்ளார். மேலும் விருதுநகர் மாவட்டத்தை பொறுத்தவரை பள்ளிகளுக்கு விடுமுறை குறித்த அறிவிப்பை அந்தந்த பள்ளி தலைமை ஆசிரியர்களே முடிவெடுக்கலாம் என்று மாவட்ட ஆட்சியர் தெரிவித்துள்ளார்.
கனமழை காரணமாக ஏற்கனவே திருநெல்வேலி, தூத்துக்குடி, தென்காசி, பாண்டிச்சேரியில் உள்ள காரைக்கால் ஆகிய மாவட்டங்களில் உள்ள பள்ளிகளுக்கு ஏற்கனவே விடுமுறை அளிக்கப்பட்டிருந்த நிலையில், தற்போது திருவாரூர் மாவட்டத்தில் உள்ள பள்ளிகளுக்கும், ராமநாதபுரம் மாவட்டத்தில் உள்ள பள்ளிகள் மற்றும் கல்லூரிகளுக்கு விடுமுறை அளிக்கப்பட்டுள்ளது.
