திருவண்ணாமலை மாவட்டத்தைச் சேர்ந்த 17 வயது மாணவி கடத்தப்பட்ட வழக்கில் ஹோட்டலில் கூலி வேலை செய்யும் நபர் கைது செய்யப்பட்டு இருக்கும் சம்பவம் பரபரப்பை ஏற்படுத்தி இருக்கிறது. இது தொடர்பாக கைது செய்யப்பட்ட இளைஞர் மீது காவல்துறையினர் போக்சோ சட்டத்தின் கீழ் உனக்கு பதிவு செய்துள்ளனர்.
திருவண்ணாமலை மாவட்டம் தண்டாரம்பட்டி அருகே உள்ள கிராமத்தைச் சேர்ந்த 17 வயது மாணவி திருவண்ணாமலையில் உள்ள கல்லூரியில் முதலாம் ஆண்டு படித்து வந்திருக்கிறார். இந்நிலையில் கடந்த 25 ஆம் தேதி கல்லூரிக்கு சென்ற மாணவி வீடு திரும்பவில்லை. இதனால் அதிர்ச்சியடைந்த பெற்றோர் பல இடங்களில் தேடியும் மாணவி கிடைக்காததால் காவல்துறையில் புகார் தெரிவித்தனர்.
இந்தப் புகாரின் அடிப்படையில் விசாரணையில் இறங்கிய காவல்துறையினர் மாணவியின் செல் போன் நம்பரை வைத்து ஆய்வு செய்தபோது திருவண்ணாமலையில் இருந்தது கண்டுபிடிக்கப்பட்டது. இதனைத் தொடர்ந்து அங்கு சென்ற காவல்துறையினர் மாணவியை பத்திரமாக மீட்டனர். மேலும் மாணவியகடம் நடத்தப்பட்ட விசாரணையில் ஹோட்டலில் கூலி வேலை செய்யும் 27 வயது நபர் instagramல் காதல் செய்வதாக கூறி கடத்தி வந்தது கண்டுபிடிக்கப்பட்டது.
இது தொடர்பாக வேட்டவலம் கிராமத்தைச் சேர்ந்த 27 வயது இளைஞர் கைது செய்யப்பட்டார். அவரிடம் நடத்தப்பட்ட விசாரணையில் மாணவிக்கு இன்ஸ்டாகிராம் சமூக வலைதளம் மூலமாக காதல் வலை விரித்தது அம்பலமானது. இதனைத் தொடர்ந்து மைனர் சிறுமியை கடத்தியதால் அவர் மீது போக்சோ சட்டத்தின் கீழ் வழக்கு பதிவு செய்யப்பட்டு சிறையில் அடைக்கப்பட்டார்.
