பிரதமர் நரேந்திர மோடியின் சுயசார்புக்கான உந்துதலுக்கு ஏற்ப, இந்தியா பல ஆண்டுகளாக NavIC (Navigation with Indian Constellation) எனப்படும் அதன் பிராந்திய வழிசெலுத்தல் செயற்கைக்கோள் அமைப்பின் பயன்பாட்டை விரிவுபடுத்தியுள்ளது.
உலகம் முழுவதும் பரவலாகப் பயன்படுத்தப்படும் குளோபல் பொசிஷனிங் சிஸ்டம் (GPS) உட்பட வெளிநாட்டு அமைப்புகளைச் சார்ந்திருப்பதைக் குறைக்க இந்திய அரசாங்கம் விரும்புகிறது. NavIC போன்ற மிகவும் துல்லியமான கருவியை உள்நாட்டிலே தயாரிக்க இந்தியா விரும்புகிறது மற்றும் அதன் பயன்பாடு பொருளாதாரத்திற்கு நன்மை பயக்கும் என்று அரசாங்கம் கூறுகிறது.
சீனா, ஐரோப்பிய ஒன்றியம், ஜப்பான் மற்றும் ரஷ்யா கொண்ட நாடுகள் தங்கள் சொந்த நாட்டிலேயே தயாரிக்கப்பட்டு ஜிபிஎஸ்ஐ பயன்படுத்தி வருகின்றனர். இந்நிலையில் 2018 முதல் செயல்படும், NavIC இன் ஏற்றம் குறைவாக உள்ளது. எடுத்துக்காட்டாக, பொது வாகன இருப்பிட கண்காணிப்பாளர்களில் இது கட்டாயமாக்கப்பட்டுள்ளது.
பொதுவான வாகன கண்காணிப்பில் பயன்படுத்தப்பட்டு வரும் NavIC ஆனது, ஆழ்கடலில் மீன்பிடிக்க செல்லும் மீனவர்களுக்கு, Terrestrial Network Connectivity இல்லாத இடங்களில் அவசர எச்சரிக்கைகளை வழங்கவும், இயற்கை பேரழிவுகள் தொடர்பான தகவல்களை கண்காணிக்கவும் கூட பயன்படுத்தப்படுகிறது.
ஆனால் மோடியின் நிர்வாகம் மற்றும் விண்வெளி அதிகாரிகள் அதன் பயன்பாட்டை விரிவுபடுத்த விரும்புவதாக அரசு மற்றும் தொழில்துறை ஆவணங்கள் காட்டுகின்றன, மேலும் இந்த ஆண்டு 2023 ஜனவரி முதல் புதிய போன்களில் ஜிபிஎஸ் உடன் கூடுதலாக NavIC ஐ ஆதரிக்கும் வகையில் வன்பொருள் மாற்றங்களைச் செய்ய ஸ்மார்ட்போன் நிறுவனங்களுக்கு மத்திய அரசு உத்தரவிடலாம் என்று எதிர்பார்க்கப்படுகிறது.
ஆகஸ்ட் மற்றும் செப்டம்பரில் நடந்த தனிப்பட்ட சந்திப்புகளில், Apple Inc., Xiaomi, Samsung Electronics மற்றும் பிற நிறுவனங்களின் பிரதிநிதிகள், ஃபோன்களை NavIC-க்கு இணங்கச் செய்வது அதிக ஆராய்ச்சி மற்றும் உற்பத்திச் செலவுகளைக் குறிக்கும் என்ற கவலையை மேற்கோள் காட்டி இதை செய்ய முடியாது என கூறி பின் வாங்கியது.
