பிஎஃப் உறுப்பினர்கள் இனி தங்கள் பிஎஃப் பேலன்ஸை மிஸ்டு கால் மூலம் சரிபார்க்கலாம்.
ஓய்வூதியத்திற்குப் பிறகு நிதிப் பாதுகாப்பை வழங்குவதால், வேலை செய்யும் ஒவ்வொரு நபருக்கும் பிஎஃப் பணம் என்பது மிகவும் முக்கியமானது. மேலும் ஊழியர்கள் பணியில் இருக்கும் போது கூட பிஎஃப் பணத்தின் நன்மைகளை பெற முடியும்.. பிஎஃப் கடன் உள்ளிட்ட பல்வேறு சலுகைகளையும் இபிஎஃப்ஓ வழங்குகிறது.. பிஎஃப் பேலன்ஸை சரிபார்க்க ஆன்லைனிலும் ஆஃப்லைனிலும் பல வழிகள் உள்ளன.. இதுகுறித்து பார்க்கலாம்..
மிஸ்டு கால் மூலம் எப்படி சரிபார்ப்பது..? UAN தளத்தில் பதிவுசெய்துள்ள பயனர்கள், தங்களின் பதிவு செய்யப்பட்ட செல்போன் எண்ணிலிருந்து 9966044425 என்ற எண்ணிற்கு மிஸ்டு கால் மேற்கொள்வதன் மூலம் தங்களின் EPFO கணக்குத் தகவலை அணுகலாம். இரண்டு ரிங்க்களுக்குப் பிறகு, அழைப்பு துண்டிக்கப்படும்.. மேலும் இந்தச் சேவைக்கு உறுப்பினரிடம் கட்டணம் வசூலிக்கப்படாது. உறுப்பினரின் UAN ஆனது அவர்களின் வங்கிக் கணக்கு எண், ஆதார் அல்லது பான் எண் ஆகியவற்றில் ஏதேனும் ஒன்றுடன் இணைக்கப்பட்டிருந்தால், அவர்களின் சமீபத்திய பங்களிப்பு மற்றும் PF பேலன்ஸ் பற்றிய தகவலைப் பெறுவார்கள்.
எஸ்எம்எஸ் : UAN-செயல்படுத்தப்பட்ட பயனர்கள் பதிவுசெய்யப்பட்ட மொபைல் ஃபோனில் இருந்து 7738299899 என்ற எண்ணுக்கு SMS அனுப்பலாம், மேலும் அவர்களின் மிகச் சமீபத்திய PF பங்களிப்பு மற்றும் PF பேலன்ஸ் பற்றி அறிந்துகொள்ளலாம்.
UMANG ஆப் : UMANG செயலி மூலம் ஊழியர்கள் தங்கள் ஸ்மார்ட்போன்களில் தங்கள் EPF கணக்குகளின் நிலையை சரிபார்க்கலாம். EPF நிலுவைகளைச் சரிபார்ப்பதுடன், பயன்பாட்டைப் பயன்படுத்தி நீங்கள் உரிமைகோரல்களைப் பதிவுசெய்து கண்காணிக்கலாம். பயன்பாட்டை அணுக, பயனர்கள் முதலில் தங்கள் UAN-பதிவு செய்யப்பட்ட மொபைல் எண்ணுடன் ஒருமுறை பதிவு செய்ய வேண்டும்.
EPFO போர்டல் : பிஎஃப் உறுப்பினர்கள், https://passbook.epfindia.gov.in/MemberPassBook/Login என்ற இணையதளத்திலும் சரிபார்க்கலாம்… UAN நம்பர் மற்றும் பாஸ்வேர்டை உள்ளிட வேண்டும். பின்னர் நீங்கள் கேப்ட்சாவை உள்ளிட வேண்டும். இதன்பின்னர் உங்கள் பிஎஃப் பேலன்ஸ் குறித்த விவரங்கள் தெரியவரும்..
