இந்திய கிரிக்கெட் அணியின் வீரர்களை முன்னாள் கேப்டன் கபில்தேவ் கடும் விமர்சனம் செய்திருப்பது ரசிகர்களிடையே அதிர்ச்சியை ஏற்படுத்தி உள்ளது.
கொல்கத்தா : இந்திய கிரிக்கெட் அணி வீரர்கள் பலர் தங்களுக்கு அழுத்தம் ஏற்படுவதாக கூறி சில கிரிக்கெட் தொடர்களில் பங்கேற்காமல் ஓய்வெடுத்துக் கொள்கிறார்கள். மேலும், இதை கருத்தில்கொண்டு இந்திய கிரிக்கெட் வாரியம் சில தொடர்களில் வீரர்களுக்கு ஓய்வு அளித்து வருகிறது. இந்தநிலையில், கொல்கத்தாவில் நடைபெற்ற நிகழ்ச்சி ஒன்றில் பங்கேற்று பேசிய கபில்தேவ், இந்திய அணியின் மூத்த வீரர்களுக்கு வழங்கப்படும் ஓய்வு குறித்து கடுமையாக சாடியுள்ளார்.
வாழைப்பழ கடையோ, முட்டை கடையோ வைத்து பிழைப்பு நடத்தலாம்ல…
அதில், கடந்த சில நாட்களாகவே நான் அதிகம் கேட்கும் வார்த்தை அழுத்தம் என தெரிவித்துள்ள அவர், சில முன்ணனி வீரர்கள் ஐபிஎல் விளையாடுவதால் அதிக அழுத்தம் ஏற்படுவதாக தெரிவிக்கின்றனர். என்றும், அவ்வாறு அழுத்தம் இருக்கும் பட்சத்தில் ஏன் விளையாட வருகிறீர்கள் எனவும், நாட்டுக்காக விளையாடும் போது எப்படி அழுத்தமாக உணருகிறீர்கள் என வினவியுள்ளார். வேலை செய்ய விரும்பமில்லை என்றால், வாழைப்பழ கடையோ அல்லது முட்டை கடை வைத்து பிழைப்பு நடத்தலாம் எனவும், 100 கோடி பேர் உள்ள நாட்டில், 20 பேர் விளையாடுவது எவ்வளவு ஒரு பெருமைக்குரிய விஷயம், வேலையை முழு மனதுடன் செய்தால் அனைத்தும் எளிதாகிவிடும் என தெரிவித்தார்.
