பேஸ்புக் ஆப் மூலமாக ஒரு பெண்ணை காதலித்து வந்த இளைஞர், அவரது வீட்டு அட்ரஸை கண்டுபிடித்து வீட்டிற்கு சென்று பெண் கேட்ட சம்பவத்தால் போலீசில் சிக்கியுள்ளார்.
கிருஷ்ணகிரி பகுதியில் சேர்ந்த நிஷோர் என்ற இளைஞர் முகநூல் செயலியின் மூலம் கன்னியாகுமரி மாவட்டத்தில் வசித்து வரும் ஷாலியா என்னும் பெண்ணை காதலித்து வந்துள்ளார். இருவரும் பேஸ்புக் மூலமாகவே நட்பாக பழகி காதலிக்க ஆரம்பித்த நிலையில் செல்போன் எண்களை பரிமாறிக் கொண்டனர்.
வீட்டு அட்ரஸை வாங்கிய நிஷோர் கூகுள் மேப்பை பயன்படுத்தி அந்த பெண்ணின் வீட்டிற்கு சென்று பெண் கேட்டுள்ளார். இளைஞரின் செயலால் அதிர்ச்சி அடைந்த அவர்கள் அந்த இளைஞரை அடித்து உதைத்து போலீசில் ஒப்படைத்துள்ளனர்.
இதனை தொடர்ந்து போலீசார் அவர் மீது வன்கொடுமை தடுப்பு சட்டம் மற்றும் கொலை மிரட்டல் போன்ற பிரிவுகளின் கீழ் வழக்கு பதிவு செய்து சிறையில் அடைத்துள்ளனர். திருமணத்திற்கு பெண் கேட்டு போனதால் ஒரு இளைஞர் சிறையில் அடைக்கப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
