வட கொரியாவில் கிம் ஜாங் யுன் தலைமையிலான ஆட்சி நடைபெற்று வருகிறது. மிக கடுமையான கட்டுப்பாடுகளுடன் கம்யூனிஸ்ட் ஆட்சி நடத்தி வரும் அதிபர் கிம் அடிக்கடி பல பகீர் உத்தரவுகளை போட்டு, உலகையே அதிர்ச்சி அடைய செய்வார். இந்நிலையில், சர்வதேச அளவில் நிலவும் மத சுதந்திரம் தொடர்பாக அமெரிக்க வெளியுறவுத்துறை அறிக்கை ஒன்றை வெளியிட்டுள்ளது.
அதில் வடகொரியாவில் கிறிஸ்துவம் உள்ளிட்ட மதங்களை பின்பற்ற தடை உள்ள நிலையில், சுமார் 70,000 பேர் கிறிஸ்துவ மதத்தை பின்பற்றுவதற்காக சிறையில் அடைக்கப்பட்டுள்ளனர் என்ற தகவல் வெளியாகியுள்ளது. 2009ஆம் ஆண்டில் ஒரு குடும்பத்தினர் கையில் பைபிள் வைத்திருந்ததால் கைது செய்யப்பட்டனர். அதில் அந்த குடும்பத்தை சேர்ந்த 2 வயது குழந்தை உள்ளிட்ட அனைவரும் சிறையில் அடைக்கப்பட்டனர். அவர்கள் அனைவருக்கும் ஆயுள் தண்டனை விதிக்கப்பட்டுள்ளது.
பெற்றோர் பைபிள் வைத்திருந்ததற்காக 2 வயது சிறுவனுக்கு ஆயுள் சிறை தண்டனை விதிக்கப்பட்ட சம்பவம் அதிர்ச்சியை ஏற்படுத்தியுள்ளது. சிறையில் அடைக்கப்பட்டுள்ள சுமார் 70,000 பேரின் நிலை மிக மோசமாக உள்ளதாக அந்த அறிக்கையில் தெரிவிக்கப்பட்டுள்ளது.
