நாகை மாவட்டம் வேளாங்கண்ணி அடுத்துள்ள திருப்பூண்டி பகுதியைச் சேர்ந்த (16) வயது சிறுமிக்கும் சென்னை திருமுல்லைவாயில் பவானி தெருவை சேர்ந்த கோபி (20) என்ற இளைஞரருக்கும் ஸ்னாப் சேட் என்ற செயலியின் மூலமாக பழக்கம் ஏற்பட்டிருப்பதாக சொல்லப்படுகிறது இந்த நிலையில் சிறுமியிடம் கோபி வாட்ஸ்அப் மூலமாக புகைப்படம் அனுப்பி வை என தெரிவித்துள்ளார்.
இந்த நிலையில், அந்த சிறுமியும் தன்னுடைய ஆபாச புகைப்படம் ஒன்றை அனுப்பி வைத்திருக்கிறார் அதனை வைத்துக்கொண்டு அந்த இளைஞர் 5000 ரூபாய் பணம் கேட்டு மிரட்டி இருக்கிறார். அதோடு பணத்தை கொடுக்காவிட்டால் நிர்வாண புகைப்படத்தை இணையதளத்தில் வெளியிட்டு விடுவேன் என்றும் மிரட்டி உள்ளார். மேலும் இதனை வெளியே சொன்னால் கொலை செய்து விடுவேன் என்றும் குறுஞ்செய்தி அனுப்பியிருக்கிறார்.
இந்த நிலையில், இது தொடர்பாக சிறுமியின் பெற்றோர் கீழையூர் காவல் நிலையத்தில் வழங்கிய புகாரின் அடிப்படையில் காவல்துறையினர் வழக்கு பதிவு செய்து இளைஞரை தீவிரமாக தேடி வந்தனர். அதோடு இளைஞரின் கைபேசி எண்ணை வைத்து அவர் இருக்கும் இடத்தை கண்டுபிடித்த தனி படை காவல்துறையினர் அவரை சென்னையில் வைத்து அதிரடியாக கைது செய்து நாகைக்கு அழைத்து வந்து சிறையில் அடைத்தனர்.
