பிஎம் மித்ரா திட்டத்தின் கீழ் தமிழகம் உட்பட 7 இடங்களில் மெகா ஜவுளிப் பூங்காக்களை அமைக்க மத்திய அரசு ஒப்புதல் வழங்கியுள்ளது.
தமிழ்நாட்டில் விருதுநகர் உட்பட 7 இடங்களில் மெகா ஜவுளிப் பூங்காக்களை அமைக்க மத்திய அரசு ஒப்புதல் வழங்கியுள்ளது. தமிழ்நாட்டில் விருதுநகர், தெலங்கானாவில் வாரங்கல், குஜராத்தில் நவ்சாரி, கர்நாடகத்தில் கலாபுரக்கி, மத்தியப்பிரதேசத்தில் தார், உத்தரப்பிரதேசத்தில் லக்னோ, மகாராஷ்டிராவில் அமராவதி ஆகிய 7 இடங்களில் ரூ.4,445 கோடி மதிப்பீட்டில் இந்த ஜவுளிப் பூங்காக்கள் அமைய உள்ளன.
பிஎம் மித்ரா திட்டத்தின் கீழ் இந்தப் பூங்காக்கள் அமைய உள்ளன.கடந்த 5 ஆண்டுகளில் தமிழ்நாட்டுக்கு, தரமான பட்டு நூல் உற்பத்தி செய்வதற்கான 14 தானியங்கி எந்திரங்களை அமைக்க மத்திய அரசு ரூ.6,585.68 லட்சம் நிதியுதவி அளித்துள்ளது என மத்திய அமைச்சர் தர்ஷனா ஜர்தோஷ் தெரிவித்துள்ளார்.
