’மாண்டஸ்’ புயல் காரணமாக தமிழத்தில் இன்று நடைபெறவிருந்த தேர்வுகள் ஒத்திவைக்கப்பட்டுள்ளன.
தென்மேற்கு வங்கக்கடலில் உருவான மாண்டஸ் புயல் வலுப்பெற்று தீவிர புயலாக மாறியது. இந்த மாண்டஸ் புயல் புதுச்சேரி – ஸ்ரீஹரிகோட்டா இடையே இன்று நள்ளிரவு கரையை கடக்கும் என எதிர்பார்க்கப்படுகிறது. புயல் கரையை கடக்கும்போது மணிக்கு 65 முதல் 75 கிலோமீட்டர் வேகத்தில் காற்று வீசப்படும், அவ்வப்போது 85 கிலோமீட்டர் வேகத்திலும் காற்று வீசப்படலாம் என்று தெரிவிக்கப்பட்டுள்ளது. இதன் காரணமாக வட தமிழகம் புதுவை மற்றும் தெற்கு ஆந்திராவில் இன்று மற்றும் நாளை கனமழை பெய்யக்கூடும் என தெரிவித்துள்ளது.
இந்நிலையில், ’மாண்டஸ்’ புயல் காரணமாக தமிழத்தில் இன்று நடைபெறவிருந்த தேர்வுகள் ஒத்திவைக்கப்பட்டுள்ளன. அதன்படி, அண்ணா பல்கலைக்கழக தேர்வுகள், திருவள்ளூர் பல்கலை., அம்பேத்கர் சட்டப் பல்கலை., அண்ணாமலை பல்கலை., எம்ஜிஆர் பல்கலை., பாரதிதாசன் பல்கலை., தேர்வுகள் ஒத்திவைக்கப்பட்டுள்ளன. மேலும், பாலிடெக்னிக் தேர்வுகள் டிசம்பர் 16ஆம் தேதிக்கும், தமிழ்நாடு ஊரக திறனாய்வு தேர்வு டிசம்பர் 17ஆம் தேதிக்கு ஒத்திவைக்கப்பட்டுள்ளது.
