நாட்டில் உடல் உறுப்பு தான விகிதத்தை அதிகரிக்க மத்திய அரசு பல்வேறு நடவடிக்கைகளை எடுத்து வருகிறது. தேசிய உறுப்பு மற்றும் திசு மாற்று அமைப்பு, பிராந்திய உறுப்பு மற்றும் திசு மாற்று அமைப்புகள் மற்றும் தேசிய உறுப்பு மாற்று திட்டத்தின் கீழ் அமைக்கப்பட்ட மாநில உறுப்பு மற்றும் திசு மாற்று அமைப்புகள் ஆகியவற்றின் தகவல்களை பரப்புவது இதில் அடங்கும்.
மனித உறுப்புகள் மற்றும் திசுக்கள் மாற்றுச் சட்டத்தை முற்றிலும் மீறும் வகையில், சட்டத்தால் அனுமதிக்கப்பட்ட உறுப்புதான செயல்முறை குறித்து மக்களிடையே விழிப்புணர்வை ஏற்படுத்தவும், உறுப்பு கடத்தலில் ஈடுபடுவதால் ஏற்படும் சட்டவிரோதம் மற்றும் பின்விளைவுகள் குறித்த விழிப்புணர்வை ஏற்படுத்தவும் சுகாதாரம் மற்றும் குடும்ப நல அமைச்சகம் கடிதம் எழுதியுள்ளது.
சிறுநீரக மாற்று அறுவை சிகிச்சை தொகுப்பு ஆயுஷ்மான் பாரத்தின் பி.எம்-ஜே.ஏ.ஒய் திட்டத்தின் கீழ் சுகாதார மற்றும் குடும்ப நல அமைச்சகத்தால் சேர்க்கப்பட்டுள்ளது. மேலும், தேசிய ஆரோக்கிய நிதியின் (ஆர்.ஏ.என்) கீழ், வறுமைக் கோட்டுக்குக் கீழே உள்ள நோயாளிகளுக்கு இதயம், நுரையீரல், கல்லீரல், சிறுநீரகம் போன்றவற்றின் மாற்று அறுவை சிகிச்சைக்கு அமைச்சகத்தால் ரூ.15 லட்சம் வரை நிதி உதவி வழங்கப்படுகிறது.
