சிவகங்கை மாவட்டம் திருவிடைமருதூர் வட்டம் திருபுவனத்தில் அரசு மதுபான கிடங்கு ஒன்று இயங்கி வருகிறது. இங்கே பல்வேறு மாவட்டங்களில் இருந்து மதுபானங்கள் லாரிகளின் மூலமாக கொண்டு வரப்பட்டு அதன் பிறகு அங்கிருந்து அரசு டாஸ்மாக் கடைகளுக்கு அனுப்பி வைக்கப்படுவது வழக்கம்.
அதாவது குடோனில் மதுபானங்கள் இருப்பு அதிகமாக இருந்தால் லாரிகளில் கொண்டு வரப்படும் மதுபானங்கள் அப்படியே நிறுத்தி வைக்கப்பட்டு, அதன் பிறகு குடோனில் இடம் காலியான பிறகு அங்கு மதுபான பெட்டிகளை பாதுகாப்பாக இறக்கி வைப்பது வழக்கம் என்று சொல்லப்படுகிறது. இந்த நிலையில் காஞ்சிபுரம் மாவட்டத்தில் இருந்து இரண்டு லாரிகள் மூலமாக மதுபானம் ஏற்றி வந்து அந்த லாரிகள் கடந்த மூன்று நாட்களாக அந்த குடோன் அருகில் நிறுத்திவைக்கப்பட்டிருந்தது.
இதற்கு நடுவே நேற்று இரவு லாரி ஓட்டுநர்கள் லாரிக்கு பின்புறமாக சென்று பார்த்தபோது மதுபாட்டில்கள் இருக்கின்ற அட்டை பெட்டிகள் கிழிக்கப்பட்டு, சுமார் 200 மது பாட்டில்கள் காணாமல் போனது தெரியவந்தது.லாரி ஓட்டுனர்களான பாலகுமார்(55) மற்றும் இம்மானுவேல் (45) உள்ளிட்டோர் திருவிடைமருதூர் காவல் நிலையத்தில் புகார் வழங்கியதன் அடிப்படையில், காவல்துறையினர் வழக்கு பதிவு செய்து விசாரணை நடத்தி வருகின்றன.
