கடலூர் மாவட்டம் சிதம்பரத்தை சேர்ந்தவர் திருமாவளவன் (24) பொறியாளரான இவர் சென்னையில் உள்ள ஒரு தனியார் நிறுவனத்தில் பணியாற்றி வருகிறார். மேலும் இவர் கடலூர் முதுநகரை சேர்ந்த கவரிங் நகை வியாபாரியின் 17 வயதான மகளை ஒருதலையாக காதலித்து வந்ததாக சொல்லப்படுகிறது.
இத்தகைய நிலையில், திருமாவளவன் அவருடைய நண்பர்களான சிதம்பரத்தைச் சேர்ந்த ரங்கராஜ் (24), கடலூர் கோதண்ட ராமபுரத்தை சேர்ந்த அஜய் (22), செல்லாங்குப்பத்தை சேர்ந்த சந்தோஷ் (24) உள்ளிட்ட 4 பேரும் நேற்று முன்தினம் இரவு சுமார் 8 மணி அளவில் கடலூர் முதுநகருக்கு வந்ததாக கூறப்படுகிறது.
இந்த நிலையில்,, நண்பர்கள் 4 பேரும் சேர்ந்து சாலையில் நடந்து போய்க்கொண்டிருந்த அந்த 17 வயது சிறுமியை காரில் கடத்திச் சென்றதாக கூறப்படுகிறது. இது தொடர்பாக தகவல் அறிந்த அந்த பெண்ணின் பெற்றோர் இது தொடர்பாக கடலூர் முதுநகர் காவல் நிலையத்தில் புகார் வழங்கினர் காவல்துறையினர் வழக்கு பதிவு செய்து சிறுமியையும், அவரை கடத்திச் சென்றவர்களையும் தீவிரமாக தேடி வந்தனர். அதோடு முதுநகர் மற்றும் திருப்பாதிரிப்புலியூர் காலநிலைத்திற்கும் இது தொடர்பாக தகவல் கொடுக்கப்பட்டது.
இதற்கு நடுவே 4 பேரும் சிறுமியை கடத்திக்கொண்டு கடலூர் எஸ்பி அலுவலக சாலையில் சென்று கொண்டிருப்பதாக காவல்துறையினருக்கு ரகசியமான தகவல் கிடைத்தது. காவல்துறையினர் விரைந்து சென்று குறிப்பிட்ட அந்த காரை மடக்கி பிடித்து அதிலிருந்து சிறுமியை மீட்டனர். அதோடு திருமாவளவன் உட்பட 4 பேரையும் கைது செய்து விசாரணை நடத்தி வருகின்றன. காவல்துறையைச் சார்ந்தவர்கள்.
