தமிழகத்தில் மொத்தமாக இருக்கின்ற 164 அரசு கலை மற்றும் அறிவியல் கல்லூரிகளில் இருக்கின்ற இளநிலை பட்டப்படிப்பு முதலாமாண்டு மாணவர் சேர்க்கைக்கான 2023-2024 ஆம் ஆண்டுக்கான விண்ணப்பங்கள் விற்பனை www.tngasa.in என்ற இணையதள முகவரியில் நேற்று காலை முதல் ஆரம்பமானது.
மாணவர்கள் சேர்க்கைக்கு தமிழ் மொழி பட்டப்படிப்பு, தமிழ் மொழியில் பயின்றவர்களுக்காக தனியாக தரவரிசை பட்டியலும், ஆங்கில மொழி படிப்புகளுக்கு ஆங்கிலத்தில் பெற்ற மதிப்பெண்களும், மற்ற இளநிலை பட்டப்படிப்புகளுக்கு மற்ற 4 பாடங்களில் பெற்ற மதிப்பெண்கள் அடிப்படையில் தரவரிசை பட்டியல் வெளியிடப்படும் என்று கூறப்பட்டுள்ளது.
கலை மற்றும் அறிவியல் கல்லூரிகளில் மாணவர்கள் சேர்வதற்கு முதல் நாளிலேயே நேற்று 164 அரசு கலை மற்றும் அறிவியல் கல்லூரியில் இருக்கின்ற 1,07,395 இளநிலை பட்டப்படிப்புகளில், மாணவர்கள் சேர்வதற்கு முதல் நாளிலேயே 18,322 பேர் ஆர்வத்துடன் விண்ணப்பம் செய்திருக்கிறார்கள் அதோடு வரும் 19ஆம் தேதி வரையில் மாணவர்கள் விண்ணப்பங்களை பதிவு செய்யலாம் என்று தெரிவிக்கப்பட்டுள்ளது என்பது குறிப்பிடத்தக்கது.
