நாடு முழுவதும் உள்ள 24,680 கிராமங்களுக்கு 4ஜி மொபைல் சேவை வழங்கப்படவுள்ளது. புதுச்சேரியில் ஒரு கிராமத்தில் 4ஜி மொபைல் சேவை வழங்கப்பட உள்ளது. தமிழ்நாட்டில் 534 கிராமங்களில் பி.எஸ்.என்.எல். 4ஜி மொபைல் சேவை வழங்கப்பட உள்ளதாக மத்திய அரசு தகவல்.
பி.எஸ்.என்.எல் நிறுவனத்தை 1.64 லட்சம் கோடி மதிப்பில் மறுசீரமைப்பு செய்யும் திட்டம் மற்றும் நாட்டில் 4ஜி மொபைல் சேவை இல்லாத கிராமங்களுக்கு ரூ.26,316 கோடி மதிப்பில் அவற்றை முழுமையாக வழங்கும் திட்டத்தை மத்திய அரசு அமைச்சரவையில், அண்மையில் ஒப்புதல் அளித்திருந்தது.
இதன் மூலம் நாடு முழுவதும் 24,680 கிராமங்களுக்கு 4ஜி மொபைல் சேவை அளிக்கப்படும். மேலும் தமிழ்நாட்டில் கடலூர், கள்ளக்குறிச்சி, அரியலூர், செங்கல்பட்டு, கோயம்புத்தூர், தர்மபுரி, ஈரோடு, திண்டுக்கல், காஞ்சிபுரம், கிருஷ்ணகிரி, கரூர்,மதுரை, நாகப்பட்டினம், நாமக்கல், ராமநாதபுரம், ராணிப்பேட்டை, சேலம் சிவகங்கை, தென்காசி, உட்பட மொத்தம் 31 மாவட்டங்களில் உள்ள 534 கிராமங்களிலும், புதுச்சேரியில் ஒரு கிராமத்திலும் பி.எஸ்.என்.எல். 4ஜி மொபைல் சேவை வழங்கப்பட உள்ளதாக மத்திய அரசு வட்டார தகவல்கள் தெரிவிக்கின்றன.
