கோவை துடியலூர் ஜி.என்.மில் அடுத்த எஸ்.என். பாளையம் பட்டத்தரசியம்மன் கோவில் வீதியை வசித்து வருபவர் பரத்குமார் (24). சம்பவத்தன்று இவர் தனது நண்பர் ரமேஷ் என்பவருடன் எஸ்.என். பாளையம் அருகே உள்ள டாஸ்மாக் கடைக்கு குடிக்க சென்றார். அங்கு தனது நண்பருடன் அமர்ந்து குடித்துக்கொண்டிருந்தனர்.
அப்போது பரத்குமார் அருகில் அமர்ந்து குடித்து கொண்டு இருந்த நபரின் மது பாட்டிலை தெரியாமல் தட்டி விட்டார். இதனால் இரண்டு பேருக்கம் இடையே வாக்குவாதம் நடந்தது. அங்கிருந்தவர்கள் இரண்டு பேரையும் சமாதானப்படுத்தினர். பின்னர் பரத்குமார் தனது நண்பருடன் அங்கிருந்து சென்றார். இதனை
பார்த்த அந்த நபர் அவர்களது பின்னால் வந்து மீண்டும் அவரிடம் வாக்குவாதம் செய்தார். இதனால் அவர்களுக்கு இடையே மறுபடியும் தகராறு ஏற்பட்டது. இதில் ஆத்திரம் அந்த நபர் தகாத வார்த்தைகளால் பேசி தான் மறைத்து வைத்திருந்த கத்தியை எடுத்து பரத்குமாரை குத்திவிட்டு, மிரட்டல் விடுத்து அங்கிருந்து சென்று விட்டார்.
கத்தியால் குத்தியதால் பலத்த காயம் அடைந்த பரத்குமாரை அவரது நண்பர் ரமேஷ் மீட்டு அருகில் உள்ள பிரைவேட் ஹாஸ்பிடலில் சிகிச்சைக்கு சேர்த்தார். இதுகுறித்து பரத்குமார் துடியலூர் காவல் நிலையத்தில் புகார் அளித்தார். இந்த புகாரின் அடிப்படையில் காவல்துறையினர் வழக்குப்பதிவு செய்து விசாரணை நடத்தினர். விசாரணையில் அந்த நபர் அதே பகுதியை சேர்ந்த ரவிக்குமார் (42) என்பது தெரியவந்தது. இதையடுத்து காவல்துறையினர் அவரை கைது செய்து சிறையில் அடைத்தனர். இதுகுறித்து காவல்துறையினர் மேலும் விசாரணை செய்து வருகின்றனர்.
