கொரோனா தடுப்பூசி செலுத்தாதவர்கள் குறித்து மக்களவையில் எழுப்பப்பட்ட கேள்விக்கு, சுகாதாரத்துறை இணையமைச்சர் பாரதி பிரவீன் பவார் எழுத்துப்பூர்வமாக பதில் அளித்தார். அவர் கூறியதாவது, ஜூலை 18-ஆம் தேதி வரை, அரசு தடுப்பூசி மையங்களில் மொத்தம் 1,78,38,52,566 தடுப்பூசி டோஸ்கள் பொதுமக்களுக்கு இலவசமாக போடப்பட்டுள்ளது.
இது 97.34 % ஆகும். சுமார் நான்கு கோடி பேர் ஒரு தவணை கூட தடுப்பூசி போடவில்லை.. மார்ச் 16-ஆம் தேதி முதல் சுகாதார பணியாளர்கள், முன்களப் பணியாளர்கள் மற்றும் 60 வயதுக்கு மேற்பட்ட அனைவருக்கும் பூஸ்டர் டோஸ் இலவசமாக போடப்பட்டுவருகிறது. 18 வயது முதல் 59 வயது வரை உள்ளவர்களுக்கு, ஏப்ரல் 10-ஆம் தேதியிலிருந்து பூஸ்டர் டோஸ் போடப்பட்டு வருகிறது.
மேலும், 18 வயதுக்கு மேற்பட்ட அனைவருக்கும் அரசு தடுப்பூசி மையங்களில் 75 நாட்களுக்கு பூஸ்டர் டோஸ் செலுத்தும் சிறப்பு முகாம் அமைக்கப்படடுள்ளது என்று அவர் கூறினார். மத்திய சுகாதாரத்துறை வெளியிட்ட தகவலின்படி, நாட்டில் 98 சதவீதம் பேர் குறைந்தது ஒரு தவணை தடுப்பூசி போட்டுக்கொண்டுள்ளனர். 90 சதவீதம் பேர் இரண்டு தவணை தடுப்பூசியையும் போட்டுள்ளனர்.
