திருப்பூர் மண்ணரை கருமாரம்பாளையத்தில் வசித்து வருபவர் சுபா(23). இவர் கடந்த 30-12-2021 அன்று திருப்பூர் வாலிபாளையத்தில் உள்ள சிங்கப்பூர் ஷாப்பிங் கடையில் 200 ரூபாய்க்கு, இரண்டு ஜோடி காலணி வாங்கினார். இதற்கு கடையில் ரசீது கேட்டும் அவர்கள் கொடுக்கவில்லை. இந்தநிலையில் சுபா 200 ரூபாய் கொடுத்து வாங்கிய காலணி, கடந்த 7-1-2022 அன்று அறுந்து விட்டது.
உடனே சுபா அந்த அருந்த காலணியை எடுத்து சென்று கடையில் கேட்டுள்ளார். அவர்கள் காலணியை சரி செய்து கொடுப்பதாக கூறி, சரி செய்து கொடுத்துள்ளனர், ஆனால் சரி செய்த பிறகு அந்த காலணியை சுபாவால் அணியமுடியாத அளவுக்கு சிறியதாகி விட்டது. இதன் பிறகு கடந்த மார்ச் மாதம் திருப்பூர் நுகர்வோர் நீதிமன்றத்தில் சுபா வழக்கு தொடுத்தார். எதிர்தரப்பு ஆஜராகவில்லை.
இதனால் காலணிக்கான தொகை 200 ரூபாயும், மன உளைச்சல் ஏற்படுத்தியதற்கு 20 ஆயிரம் ரூபாயும், வழக்கு செலவுத்தொகை 5 ஆயிரம் ரூபாய் ஆகியவற்றை சுபாவுக்கு, சிங்கப்பூர் ஷாப்பிங் கடையின் உரிமையாளர் சாதிக் வழங்க வேண்டும் என, நுகர்வோர் கோர்ட்டு தலைவர் தீபா, உறுப்பினர்கள் பாஸ்கர், ராஜேந்திரன் ஆகியோர் உத்தரவிட்டனர்.
