இன்னும் சில மணி நேரங்களில் 2022 ஆம் ஆண்டு நமக்கு விடை கொடுக்க காத்திருக்கிறது. அதேபோல மற்றொன்றும் தமிழக மக்களுக்கு விடை கொடுக்க தயாராகிவிட்டது.
வட தமிழக உள் மாவட்டங்களில் வரும் 2ம் தேதி வரையில் அதிகாலை சமயத்தில் பனி மூட்டம் இருக்கும் என்று சென்னை வானிலை ஆய்வு மையம் தெரிவித்திருக்கிறது.
இதுகுறித்து சென்னை வானிலை ஆய்வு மையம் வெளியிட்டுள்ள் அறிக்கையில் கிழக்கு திசை காற்றின் வேகம் மாறுபாடு காரணமாக, இன்று தமிழக தென் மாவட்டங்களில் ஓரிரு பகுதிகளில் லேசான மழை பெய்வதற்கான வாய்ப்பு இருக்கிறது என்றும், வட தமிழக மாவட்டங்களில் வறண்ட வானிலையை இருக்கும் எனவும், வடதமிழக உள் மாவட்டங்களில் ஓரிரு பகுதிகளில் அதிகாலை சமயத்தில் லேசான பனிமூட்டம் இருக்கும் என்றும் கூறப்பட்டுள்ளது.
அதேபோல நாளையும், நாளை மறுநாளும் தமிழகம், புதுவை மற்றும் காரைக்கால் உள்ளிட்ட பகுதிகளில் வறண்ட வானிலையே இருக்கும், வட தமிழக உள் மாவட்டங்களில் ஓரிரு இடங்களில், அதிகாலை சமயங்களில் லேசான பனிமூட்டம் காணப்படும் என்று கூறப்பட்டுள்ளது.
அதோடு வரும் 3ம் தேதி மற்றும் 4ம் தேதி உள்ளிட்ட தினங்களில் தமிழக கடலோர மாவட்டங்களில் ஓரிரு பகுதிகளில் லேசான மழை பெய்வதற்கான வாய்ப்பு இருக்கிறது. உள் மாவட்டங்களில் வறண்ட வானிலை நிலவலாம் எனவும் கூறப்பட்டுள்ளது.
அதேபோல சென்னை மற்றும் அதன் புறநகர் பகுதிகளில் வானம் ஓரளவு மேகமூட்டத்துடன் இருக்கும். அதிகபட்ச வெப்பநிலை 31 டிகிரி செல்சியஸிலிருந்து 32 டிகிரி செல்சியஸ் என்ற அளவிலும் மற்றும் குறைந்தபட்ச வெப்பநிலை 23 டிகிரி செல்சியஸ் என்ற அளவில் இருக்கலாம் என்று வானிலை ஆய்வு மையம் கூறியிருக்கிறது.
