சின்ன சேலம் மாவட்டம் கனியாமூர் தனியார் பள்ளி மாணவி ஸ்ரீமதி மரணம் குறித்து பாரதிய ஜனதா கட்சி தலைவர் அண்ணாமலை கருத்து தெரிவிக்காதது ஏன் என தமிழக காங்கிரஸ் தலைவர் கே.எஸ்.அழகிரி கேள்வி எழுப்பி இருக்கிறார்.
மேலும் இது தொடர்பாக திருவண்ணாமலையில் தமிழக காங்கிரஸ் கட்சி தலைவர் கே.எஸ்.அழகிரி செய்தியாளர்களை சந்திப்பில் கூறியிருப்பதாவது, கனியாமூர் பள்ளி குழந்தையின் மரணத்திற்கு மட்டும் ஏன் அவர்கள் கருத்து கூறவில்லை. ஒரு கண்டனம் கூட தெரிவிக்கவில்லை. முறையான நீதி விசாரணை வேண்டும் என்று கேட்கவில்லை. எதற்காக நீதிமன்றம் அவர்கள் செல்லவில்லை.
கள்ளக்குறிச்சி மாணவி விவகாரத்தில் ஆர்வம் காட்டாததன் மர்மம் என்ன?.. எதற்காக பாரதிய ஜனதா கட்சி அவ்வாறு நடந்து கொள்கின்றனர். என்ன காரணத்திற்காக ஆர்.எஸ். எஸ் மவுனமாக இருக்கிறார்கள். என்பதை தமிழ்நாடு காங்கிரஸ் அறிய விரும்புகிறது. என அவர் கூறியுள்ளார்.
