நைஜீரியாவில் பெட்ரோல் டேங்கர் லாரி விபத்துக்குள்ளானதில், சம்பவ இடத்திலிருந்து எரிபொருள் சேகரிக்க விரைந்த 77 பேர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
நைஜீரியாவின் வட மத்திய நைஜர் மாநிலத்தின் சுலேஜா பகுதியில் பெட்ரோல் டேங்கர் லாரி கவிழ்ந்தது. மக்கள் எரிபொருளை எடுக்கத் தொடங்கிய சில நிமிடங்களில் அது வெடித்தது, இந்த சமயத்தில் 77 பேர் கொல்லப்பட்டனர் மற்றும் மீட்புப் பணியாளர்கள் உட்பட 25 பேர் காயமடைந்தனர் என்று அதிகாரிகள் தெரிவித்தனர்.
எரிபொருள் டேங்கர் வெடிப்புகள் மற்றும் விபத்துக்கள் நாட்டில் பொதுவானவை – பெரும்பாலும் சாலைகளின் மோசமான நிலை காரணமாக இது போன்ற நிகழ்வுகள் அடிக்கடி நடப்பதாக சொல்லப்படுகிறது. சனிக்கிழமை நடந்த இந்த சமயத்தில் காயமடைந்தவர்கள் அருகிலுள்ள மருத்துவமனைகளில் சிகிச்சை பெற்று வருகின்றனர் என்று அரசு தெரிவித்துள்ளது.
சமீபத்தில் நைஜீரியாவில் இதேபோன்ற பல சம்பவங்கள் நடந்துள்ளன. இரண்டு வாரங்களுக்கு முன்பு, எண்ணெய் வளம் மிக்க டெல்டா மாநிலத்தில் விபத்தில் சிக்கிய ஒரு எரிபொருள் டேங்கர் லாரி வெடித்து, குறைந்தது ஐந்து பேர் உயிரிழந்தனர், மேலும் அக்டோபரில் கசிந்த பெட்ரோல் சேகரிக்க முயன்றபோது ஏற்பட்ட வெடிப்பில் குறைந்தது 153 பேர் இறந்தனர் என்பது குறிப்பிடத்தக்கது.
