ஷாருக்கானின் மிகவும் எதிர்பார்க்கப்பட்ட படமான பதான் ரிலீஸுக்கு இன்னும் சில நாட்களே உள்ளன. இந்திய ரசிகர்கள் முன்பதிவுக்காக காத்திருக்கும் நிலையில், வெளிநாடுகளில் டிக்கெட் புக்கிங் நேற்று தொடங்கியது.
இந்தியாவில் பதான் பட சர்ச்சைகள் : இயக்குனர் சித்தார்த் ஆனந்த் இயக்கத்தில் ஷாருக்கான் கதாநாயகனாக நடித்திருக்கும் படம் பதான். இப்படத்தில் ஷாருக்கானுக்கு ஜோடியாக நடிகை தீபிகா படுகோனே நடித்திருக்கிறார். மேலும் பிரபல பாலிவுட் நடிகர் ஜான் ஆபிரகாம் முக்கிய கதாபாத்திரத்தில் நடிக்கிறார். இப்படத்திலிருந்து சில தினங்களுக்கு முன்பு வெளியான பாடலில் ஷாருக்கானுடன் தீபிகா படுகோனே காவி நிற நீச்சல் உடையில் ஆடிய வீடியோ இந்துக்கள் மனதை புண்படுத்தி உள்ளதாகவும், படத்தை தடை செய்ய வேண்டும் என்றும் எதிர்ப்புகள் கிளம்பின.
இந்த நிலையில் சர்ச்சைக்குரிய பாடல்கள் உட்பட சில மாற்றங்களை செய்து மீண்டும் தணிக்கை சான்றிதழுக்கு சமர்ப்பிக்குமாறு தணிக்கை குழு பரிந்துரைத்துள்ளது.
அனைத்து திரையரங்குகளும் ஹவுஸ் ஃபுல்: ஜெர்மனி உள்ளிட்ட நாடுகளில் பதான் டிக்கெட் முன்பதிவு ஒரு மாதத்திற்கு முன்பே துவங்கியது. இந்தியாவில் ஷாருக்கான் நடித்த பதான் படம் குறித்து சர்ச்சைகள் எழுந்த வண்ணம் உள்ள சூழலில், வெளிநாடுகளில் டிக்கெட் முன்பதிவு தொடங்கிய முதல் நாளே அனைத்து திரையரங்குகளும் ஹவுஸ் ஃபுல் என்று தகவல்கள் தெரிவிக்கின்றன. ஜெர்மனியில் படத்தின் அனைத்து காட்சிகளும் தொடக்க நாளிலேயே ஹவுஸ் ஃபுல் ஆகியுள்ளதாக தகவல்கள் தெரிவிக்கின்றன. ஜெர்மனியில் முன்பதிவு செய்த சாதனையை பதான் முறியடித்துள்ளதாக அந்நாட்டு ஊடகங்கள் தெரிவிக்கின்றன. இந்தியாவில் முன்பதிவு இன்னும் தொடங்கவில்லை என்றாலும். இந்தியாவிலும் இப்படம் பம்பர் ஓப்பனிங்கை பெறும் என எதிர்பார்க்கப்படுகிறது.
