ஸ்ரீ ராம் ஜென்மபூமி தீர்த்த க்ஷேத்திரத்தின் தலைவரான மஹந்த் நிருத்ய கோபால் தாஸ், ஞாயிற்றுக்கிழமை மாலை உடல்நலக் கோராறு காரணமாக லக்னோவின் மேதாந்தா மருத்துவமனையில் அனுமதிக்கப்பட்டார். தகவலின்படி, அவர் கிருஷ்ண ஜென்மாஷ்டமிக்கு மதுராவில் இருந்தபோது அவரது உடல்நிலை மோசமடைந்தது. முதலில், குவாலியரில் அவருக்கு பரிசோதனை செய்யப்பட்டது, ஆனால் அவரது உடல்நிலையில் முன்னேற்றம் ஏற்படாததால், செப்டம்பர் 8 ஆம் தேதி மாலை சுமார் 6:30 மணியளவில் அவர் மேதாந்தா மருத்துவமனையில் அனுமதிக்கப்பட்டார்.
மருத்துவமனை வெளியிட்டுள்ள தகவலின்படி, அவரது உடல்நிலை கவலைக்கிடமாக உள்ளது. முன்னதாக 2022 ஆம் ஆண்டிலும், மஹந்த் நிருத்ய கோபால் தாஸ் உடல்நலப் பிரச்சினைகளுக்காக மேதாந்தாவில் சிகிச்சை பெற்றார். சிறுநீரக தொற்று, நாள்பட்ட சிறுநீரக செயலிழப்பு, சிறுநீரகங்கள் சரியாக செயல்படத் தவறிய நிலை உள்ளிட்ட உடல்நலப்பிரச்னைகளால் அவர் பாதிக்கப்பட்டிருந்தார்.
மஹந்த் நிருத்ய கோபால் தாஸ் தொடர்ந்து மருத்துவ சிகிச்சை
முன்னதாக, மஹந்த் நிருத்ய கோபால் தாஸும் கோவிட்-19 தொற்றால் பாதிக்கப்பட்டார். அந்த சமயத்தில் அவர் குணமடைந்து அயோத்திக்குத் திரும்புவதற்கு முன்பு பல நாட்கள் மருத்துவக் கண்காணிப்பில் இருந்தார். சுமார் 86 வயதில், அவர் தொடர்ந்து மருத்துவ சிகிச்சையில் இருக்கிறார்.
மஹந்த் நிருத்ய கோபால் தாஸ் யார்?
மஹந்த் நிருத்ய கோபால் தாஸ் ஜூன் 11, 1938 அன்று மதுராவில் பிறந்தார். அவர் அயோஷ்யாவின் மிகப்பெரிய கோவிலான மணிராம் தாஸ் கி சவானியின் பீடாதீஸ்வர் (தலைவர்) ஆவார். இவர் 1993 ஆம் ஆண்டு விஸ்வ ஹிந்து பரிஷத்தால் உருவாக்கப்பட்ட அறக்கட்டளையான ராம் ஜென்மபூமி நியாஸின் தலைவராக உள்ளார். அவர் ராம ஜென்மபூமி ஆண்டோலனுடன் பல தசாப்தங்களாக தொடர்புடையவர். 2001 இல் அவர் மீதும் அவரது சீடர்கள் மீதும் குண்டுகள் வீசப்பட்டன. அவர் சிறு காயங்களுடன் உயிர் பிழைத்தார். நிருத்ய கோபால் தாஸ் 2003 ஆம் ஆண்டு ராம் ஜென்மபோமி நியாஸின் தலைவராக நியமிக்கப்பட்டார்.
Read more ; US Open 2024!. வரலாறு படைத்த ஜானிக் சின்னர்!. பட்டத்தை வென்ற முதல் இத்தாலியன் என்ற பெருமை!
