லாக்கர் வசதிகளுக்கான ஒப்பந்தங்களை புதுப்பிப்பதற்கான நேரத்தை டிசம்பர் 2023 வரை நீட்டித்துள்ளது.
ஆர்.பி.ஐ வங்கிகள் வழங்கும் தற்போதைய பாதுகாப்பான வைப்பு லாக்கர் வசதிகளுக்கான ஒப்பந்தங்களை புதுப்பிப்பதற்கான நேரத்தை டிசம்பர் 2023 வரை நீட்டித்துள்ளது. ஜூன் 30, 2023க்குள் 59% சதவீதம் மற்றும் செப்டம்பர் 30, 2023க்குள் 75 சதவீதம் காலக்கெடு படிப்படியாக நீட்டிக்கப்படும் என்று ரிசர்வ் வங்கி தெரிவித்துள்ளது. மேலும், ஸ்டாம்ப் பேப்பர்கள் கிடைப்பதை உறுதி செய்வதன் மூலம் திருத்தப்பட்ட ஒப்பந்தங்களை நிறைவேற்றுவதற்கு தேவையான ஏற்பாடுகளை செய்ய வங்கிகளுக்கு அறிவுறுத்தப்பட்டுள்ளதாக ரிசர்வ் வங்கி தெரிவித்துள்ளது.
ரிசர்வ் வங்கி ஆகஸ்ட் 2021 இல் வங்கிகள் மற்றும் தொழில்நுட்பத் துறையில் பல்வேறு முன்னேற்றங்கள், நுகர்வோர் குறைகளின் தன்மை மற்றும் பெறப்பட்ட கருத்துக்களைக் கருத்தில் கொண்டு தற்போதுள்ள லாக்கர் வைத்திருப்பவர்களுடன் ஜனவரி 1, 2023க்குள் திருத்தப்பட்ட ஒப்பந்தங்களை மேற்கொள்ளுமாறு வங்கிகளைக் கேட்டுக் கொண்டது.இருப்பினும், திருத்தப்பட்ட ஒப்பந்தத்தில் அதிக எண்ணிக்கையிலான வாடிக்கையாளர்கள் இன்னும் கையெழுத்திடவில்லை என்பது ரிசர்வ் வங்கியின் கவனத்திற்கு வந்துள்ளது.
பல சமயங்களில், வங்கிகள் குறிப்பிட்ட தேதிக்கு (ஜனவரி 1, 2023) முன்னதாக அவ்வாறு செய்ய வேண்டியதன் அவசியத்தை வாடிக்கையாளர்களுக்கு இன்னும் தெரிவிக்கவில்லை,” என்று மத்திய வங்கி அறிக்கையில் தெரிவித்துள்ளது.
