சென்னையில் வீட்டு உபயோக சிலிண்டர் விலை ரூ.50 உயர்ந்துள்ளது..
சர்வதேச கச்சா எண்ணெய் விலை நிலவரத்திற்கு ஏற்ப பொதுத்துறை நிறுவனங்கள் சிலிண்டர் விலையை மாற்றியமைக்கின்றன. அந்த வகையில் ஒவ்வொரு மாதமும் சிலிண்டர் விலை திருத்தப்படுகின்றன. வீட்டு உபயோகத்திற்கு 14.20 கிலோ எடை கொண்ட சிலிண்டரும், வணிகப் பயன்பாட்டிற்கு 19 கிலோ எடை கொண்ட சிலிண்டரும் விநியோகம் செய்யப்படுகின்றன.
கடந்த 1-ம் தேதி சென்னையில் 19 கிலோ எடை கொண்ட வணிக பயன்பாட்டுக்கான கேஸ் சிலிண்டர் விலை ரூ.187 குறைந்தது. அதன்படி வணிக பயன்பாட்டுக்கான சிலிண்டர் விலை ரூ.187 குறைக்கப்பட்டு ரூ.2,186 ஆக குறைந்த.. ஆனால் அன்றைய தினம் 14.2 கிலோ எடை கொண்ட வீட்டு உபயோக கேஸ் சிலிண்டர் விலை மாற்றமின்றி ரூ.1,018.50-க்கு விற்பனையானது..
இந்நிலையில் சமையல் எரிவாயு சிலிண்டர் விலை மீண்டும் திருத்தியமைக்கப்பட்டுள்ளது.. அதன்படி சென்னையில் சமையல் எரிவாயு சிலிண்டர் விலை ரூ.50 உயர்ந்து ரூ.1,068.50க்கு விற்பனை செய்யப்படுகிறது.. எனினும் வணிக பயன்பாட்டிற்கான சிலிண்டர் விலை ரூ.8.50 குறைந்து ரூ.2,177.50 ஆக விற்பனையாகிறது..
