அரவிந்த் கெஜ்ரிவால் தலைமையிலான டெல்லி அரசு புதிய மதுபான கலால் கொள்கையை திரும்பப் பெற முடிவு செய்துள்ளது.
தற்போது, டெல்லியில் 720 க்கும் மேற்பட்ட மதுக்கடைகள் உள்ளன, அதில் 260 தனியார் கடைகள். இந்த தனியார் மதுக்கடைகள் அனைத்தும் கடந்த ஆண்டு முதல் திறக்க அனுமதி நிறுத்தப்பட்டது. புதிய கலால் கொள்கையின் கீழ், டெல்லி 32 மண்டலங்களாகப் பிரிக்கப்பட்டுள்ளது, இதில் 20 மண்டலங்களில் உரிமங்கள் ஒதுக்கீடு செயல்முறையில் உள்ளது மற்றும் மீதமுள்ள 12 மண்டலங்களின் நிதி ஏலங்கள் வழங்கப்பட்டது. பழைய மதுக் கொள்கையின் கீழ், அரசு மற்றும் தனியார் நிறுவனங்கள் மதுக்கடைகளை இயக்க முடியும். தற்பொழுது அந்த அறிவிப்பை ஆகஸ்ட் 1-ம் தேதி முதல் அரசு திரும்ப பெற உள்ளதாக அறிவித்துள்ளது.
கடத்த ஆண்டு வெளியிடப்பட்ட புதிய கலால் கொள்கையுடன் மதுக்கடைகளுக்கு குறைந்தபட்சம் 500 சதுர அடி இடம் இருப்பது அவசியம். டெல்லிக்கு மத்திய வரிகளில் ரூ.325 கோடி மட்டுமே கிடைக்கிறது என்பது குறிப்பிடத்தக்கது, அதே நேரத்தில் மத்திய அரசின் வரிகளில் டெல்லி அரசின் பங்கு ரூ.1 லட்சத்து 40 ஆயிரம் கோடி. இதுவரை மதுக்கடைகளின் உரிமக் கட்டணம் ரூ. 8-10 லட்சம் மற்றும் கலால் வரி 300 சதவீதம் ஆகும். நவம்பர் 2021 முதல் ஒவ்வொரு ஆண்டும் சுமார் ரூ.3,500 கோடி வருவாய் கிடைக்கும், மேலும் கலால் மூலம் அரசுக்கு சுமார் ரூ.10,000 கோடி வருவாய் கிடைத்தது குறிப்பிடத்தக்கது.
