நடிகையும் மாடலுமான பூனம் பாண்டேயின் திருமண வாழ்க்கை பற்றி பலருக்கு தெரியாத விஷயங்களை இந்த பதிவில் பார்க்கலாம். சர்ச்சைக்கு பெயர் போன நடிகை என்றாலே பலருக்கு நினைவு வருவது பூனம் பாண்டே தான். பூனம் உத்தரபிரதேச மாநிலம் கான்பூரில் பிறந்தவர். படிப்பை முடித்த பூனம் மாடலிங் செய்யத் தொடங்கினார். பிறகு பல சின்ன சின்ன வேடங்களில் நடித்து 2013ல் ‘நாஷா’ படத்தின் மூலம் பாலிவுட்டில் அறிமுகமானார். இந்த படம் சரியாக வரவில்லை என்றாலும் சமூக வலைதளங்கள் மூலம் மக்கள் மத்தியில் முத்திரை பதித்தார் பூனம். இதற்குப் பிறகு, பூனம் மேலும் பல ரியாலிட்டி ஷோக்களில் தோன்றினார்.
திருமணமான 12 நாட்களுக்குப் பிறகு பூனம் பாண்டே தனது கணவரை சிறைக்கு அனுப்பினார்
2020 ஆம் ஆண்டில், அவர் தனது நீண்ட கால காதலரான சாம் பாம்பேவை மணந்தார். இந்த திருமண புகைப்படங்களை அவரே சமூக வலைதளங்களில் பகிர்ந்துள்ளார். பின்னர் திருமணம் முடிந்து இருவரும் தேனிலவை கொண்டாட கோவா சென்றனர். ஆனால் இந்த நேரத்தில் பூனம் தனது கணவர் மீது போலீசில் புகார் அளித்து அவரை சிறைக்கு அனுப்பினார். திருமணமான 12 நாட்களில் பூனம் தனது கணவர் மீது தாக்குதல் போன்ற கடுமையான குற்றச்சாட்டுகளை தெரிவித்ததாக தகவல்கள் தெரிவிக்கின்றன. சாம் தன்னை மிகவும் அடித்ததால் பல நாட்கள் மருத்துவமனையில் அனுமதிக்கப்பட்டதாக பூனம் தெரிவித்துள்ளார்.
பூனம் பாண்டே 2022 ஆம் ஆண்டு கங்கனா ரனாவத்தின் லாக்கப் நிகழ்ச்சியில் பங்கேற்றார். இதன் போது, ’நான் சாமுடன் இருந்தபோது, என்னால் சரியாக தூங்கவோ, சரியாக சாப்பிடவோ முடியவில்லை. அவர் என்னை படுக்கையறைக்கு அழைத்துச் சென்று நாயை அடிப்பது போல் அடித்தார். அப்போது எனது போனையும் உடைத்தார். இதனால் இதை யாரிடமும் சொல்ல முடியவில்லை. இப்படிப்பட்ட சூழ்நிலையில் மன உளைச்சலுக்கு ஆளான நான் பலமுறை தற்கொலை செய்து கொள்ள நினைத்தேன்.’ எனக் பேசியிருந்தார்.
2012 ஆம் ஆண்டு ஐபிஎல் அணி கேகேஆர் வெற்றி பெற்ற பிறகு நிர்வாண போட்டோஷூட் செய்து பல சர்ச்சைகளில் சிக்கினார். அவருக்கு கர்ப்பப்பை வாய்ப் புற்றுநோய் இருப்பதாகவும், இதனால் அவர் இறந்துவிட்டதாகவும் அவரது பிஆர் குழு தெரிவித்துள்ளது. இந்த செய்தியால் அனைவரும் அதிர்ச்சி அடைந்தனர். ஆனால், இது வெறும் விளம்பரம் என்பது பின்னர் தெரியவந்தது. புற்றுநோய் விழிப்புணர்வைப் பரப்புவதற்காக இதைச் செய்தார். இதைத் தொடர்ந்து, பூனம் சமூக ஊடகங்கள் மூலம் ஒரு வீடியோவைப் பகிர்ந்து கொண்டார், மேலும் அவர் முற்றிலும் நலமாக இருப்பதாகவும், இதனுடன் ரசிகர்களிடம் மன்னிப்பும் கோரினார்.
