உத்தரப்பிரதேச மாநிலம் லக்னோவில் விஐபிக்கள் வசிக்கும் சுஷாந்த் கோல்ஃப் சிட்டியில் அலக்நந்தா என்கிளேவ் அடுக்குமாடி குடியிருப்பு வளாகம் உள்ளது. இங்கு வெளிநாட்டு பெண்கள் அடிக்கடி வந்து போவதால், அக்கம்பக்கத்தினருக்கு சந்தேகம் எழுந்துள்ளது. இதுகுறித்து அந்த பிளாட்டில் உள்ளவர்களிடம் விசாரித்த போது, அவர்களுக்கும் குடியிருப்புவாசிகளுக்கும் சண்டை ஏற்பட்டுள்ளது. இதுகுறித்து சுஷாந்த் கோல்ஃப் சிட்டி காவல் நிலையத்தில் குடியிருப்புவாசிகள் புகார் தெரிவித்தனர்.
இதையடுத்து, அங்கு விரைந்த போலீஸார், டி2-104- பிளாட்டில் சோதனை நடத்தினர். அப்போது அங்கு வெளிநாட்டுப் பெண்களை நீண்ட காலமாக வைத்து பாலியல் தொழில் நடத்தி வந்தது தெரியவந்தது. அந்த குடியிருப்பில் போலீசார் தீவிர சோதனையிட்டனர். அப்போது தாய்லாந்தை சேர்ந்த 3 பெண்கள் பிடிபட்டனர்.
அவர்களை வைத்து பாலியல் தொழில் செய்தவர்கள் என மொத்தம் 10 பேரை காவல்துறையினர் அதிரடியாக கைது செய்தனர். விஐபிக்கள் வசிக்கும் அடுக்குமாடி குடியிருப்பில் வெளிநாட்டுப் பெண்களை வைத்து பாலியல் தொழில் நடத்தப்பட்ட விவகாரம் லக்னோவில் அதிர்ச்சியை ஏற்படுத்தியுள்ளது.
